វប្បធម៌ និង ទេសចរណ៍

កាលពីថ្ងៃទី០២ ខែមិថុនា ឆ្នាំ២០២០នេះ សារមន្ទីរទាំង៣ ស្ថិតក្រោមការគ្រប់គ្រង របស់អាជ្ញាធរជាតិអប្សរា រួមមានសារមន្ទីរព្រះនរោត្តម សីហនុ-អង្គរ, សារមន្ទីរវាយនភណ្ឌប្រពៃណីអាស៊ី និងសារមន្ទីរកុលាលភាជន៍ឡតានី បានចាប់បើកដំណើរការវិញហើយ និងអនុញ្ញាតឲ្យភ្ញៀវទេសចរគ្រប់ជាតិសាសន៍ចូលទស្សនាដោយមិនគិតថ្លៃ។ គួររំលឹកថា យោងតាម សេចក្ដីណែនាំរបស់ ក្រសួងសុខាភិបាល កាលល្ងាចថ្ងៃទី១៧ ខែមីនា ឆ្នាំ២០២០ បានជូនដំណឹងដល់...

អ្នកបុរាណវិទូនៃអាជ្ញាធរជាតិអប្សរា បានសិក្សារកឃើញថា ពើងគំនូរ ឬចម្លាក់ពើងគំនូរ តូចធំជាច្រើនកន្លែងនៅចង្កេះភ្នំគូលែន ក្នុងភូមិត្រពាំងទឹម ឃុំតាសៀម ស្រុកស្វាយលើ ខេត្តសៀមរាប មានអាយុកាលជាង២ពាន់ឆ្នាំមុនគ្រឹស្តសករាជ។ មានប្រសាសន៍ឲ្យដឹងនៅថ្ងៃទី២០ខែឧសភាឆ្នាំ២០២០នេះ លោក អ៊ឹម សុខរិទ្ធី ប្រធាននាយកដ្ឋានអភិរក្សប្រាសាទក្នុងនិងក្រៅឧទ្យានអង្គរ នៃអាជ្ញាធរជាតិអប្សរា លើកឡើងថា តំបន់ទេសចរណ៍វប្បធម៌ប្រវត្ដិសាស្ដ្រពើងគំនូរនេះ ពុំមានអ្នកទេសចរជាតិ និងអន្ដរជាតិទៅទស្សនានោះទេ...

ឆ្លើយតបតាមអនុសាសន៍របស់អ្នកជំនាញនៃគណៈកម្មាធិការអន្តរជាតិ សម្របសម្រួលកិច្ចគាំពារ និងអភិវឌ្ឍន៍តំបន់អង្គរ(ICC-Angkor) ក្នុងកិច្ចប្រជុំពេញអង្គលើកទី២៦ និងប្រជុំបច្ចេកទេសលើកទី៣៣ និងតាមការអង្កេតយ៉ាងយកចិត្តទុកដាក់ពីក្រុមគ្រប់គ្រងហានិភ័យដើមឈើរបស់នាយកដ្ឋានគ្រប់គ្រងព្រៃឈើ ទេសភាពវប្បធម៌ និងបរិស្ថាន នៃអាជ្ញាធរជាតិអប្សរា បាន និងកំពុងមមាញឹកក្នុងការងារកាត់ដកហូតដើមឈើងាប់ គល់ឈើពុកផុយ និងកាត់ក្រីមែកឈើ ដែលមានហានិភ័យខ្ពស់មកលើប្រាសាទតាព្រហ្មចំនួន១៣ដើម។ ការងារទាំងនេះ ធ្វើឡើងក្នុងបំណងដើម្បីបង្កភាពងាយស្រួលក្នុងការជួសជុលប្រាសាទ បង្កើតឲ្យមានសោភ័ណភាពប្រសើរជាងមុន ជួយសម្រាលតួដើមកុំឲ្យដួលរលំ ជាពិសេសបង្ការផលប៉ះពាល់ខ្លាំងដល់រចនាសម្ព័ន្ធថ្មកំពែង ប្រាសាទ...

ក្នុងឱកាស អញ្ជើញពិនិត្យទីតាំងការដ្ឋានជួសជុល និងកំណាយ នៅប្រាសាទកណ្តាលស្រះស្រង់ ខេត្តសៀមរាប នាព្រឹកថ្ងៃទី១៤ ខែឧសភា ឆ្នាំ២០២០ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីទទួលបន្ទុកក្រសួងទំនាក់ទំនងព្រឹទ្ធសភានិងរដ្ឋសភា ក៏បានរៀបចំប្រារព្ធពិធីបួងសួង ដល់វត្ថុស័ក្តិសិទ្ធិដែលបានរកឃើញនៅក្នុងប្រាសាទនេះ ដើម្បីសុំសេចក្តីសុខចម្រើន ដល់ប្រជាពលរដ្ឋកម្ពុជាទូទាំងប្រទេស ខណៈវិបត្តិជំងឺកូវីដ១៩ កំពុងតែបន្តរីករាលដាលនៅលើសកលលោក។ ក្នុងឱកាសនោះដែរ...