រដ្ឋលេខាធិការក្រសួងពាណិជ្ជកម្ម លើកទឹកចិត្តឲ្យកសិករខ្មែរ ពង្រឹងគុណភាពផលិតផលរបស់ខ្លួន ដើម្បីកាត់បន្ថយការនាំចូលពីប្រទេសជិតខាង
ឯកឧត្តម ម៉ៅ ថូរ៉ា រដ្ឋលេខាធិការក្រសួងពាណិជ្ជកម្ម មានប្រសាសន៍ថា បច្ចុប្បន្ននេះ មានចលនាមហាជនទូទៅបានចាប់ផ្តើមងាកមកចូលរួមគាំទ្រ ទទួលស្គាល់ពីគុណភាពផលិតផល និងប្រើប្រាស់ទំនិញក្នុងស្រុករួមទាំងផលិតផលបន្លែ ផ្លែឈើរបស់សហគមន៍នៅមូលដ្ឋានជាបណ្តើរៗហើយ ប៉ុន្តែប្រការសំខាន់នោះ គឺកសិករខ្លួនឯង ត្រូវលើកកម្ពស់គុណភាពផលិតផល និងប្រសិទ្ធភាពផលិតកម្មរបស់ខ្លួន សំដៅប្រែក្លាយពីការធ្វើកសិកម្មចិញ្ចឹមឆ្នាំង ទៅជាកសិ-ពាណិជ្ជូបនីយកម្ម និងធ្វើពិពិធកម្មមុខទំនិញ និងសេវាកម្ម សម្រាប់បំពេញតម្រូវការក្នុងស្រុក និងជំរុញការនាំចេញ ...
