អាជ្ញាធរខេត្តសៀមរាប បង្ហាញពីគោលការណ៍សំខាន់ៗដើម្បីរួមគ្នាទប់ស្កាត់កាត់បន្ថយគ្រោះថ្នាក់ចរាចរណ៍ផ្លូវគោក
មានប្រសាសន៍ក្នុងទិវាសប្តាហ៍ជាតិសុវត្ថិភាពចរាចរណ៍ផ្លូវគោកលើកទី១២ កាលពីព្រឹកមិញនេះ លោក ពិន ប្រាកដ អភិបាលរងខេត្តសៀមរាប បានបញ្ជាក់ថា ការប្រារព្វទិវានៅថ្ងៃនេះ គឺជាការពញ្ញាក់ស្មារតីដល់បងប្អូនប្រជាពលរដ្ឋគ្រប់រូបឲ្យចូលរួមលើកកម្ពស់ការយល់ដឹងអំពីសុវត្ថិភាពចរាចរណ៍ ននិងគោរពច្បាប់ស្តីពីចរាចរណ៍ផ្លូវគោក ព្រោះថា ស្ថានភាពគ្រោះថ្នាក់ចរាចរណ៍ក្នុងពេលកន្លងមកនេះ មាននិន្នាការកើនឡើងនៃការស្លាប់ជាក្រុម ដែលបង្កឡើងដោយសារការបើកបរហួសល្បឿនកំណត់ ការបើកបរក្រោមឥទ្ធិពលជាតិស្រវឹង ការមិនពាក់មួកសុវត្ថិភាព មិនពាក់ខ្សែ ក្រវាត់សុវត្ថិភាព ការជែងដោយប្រថុយប្រថាន បានបង្កឲ្យមានគ្រោះថ្នាក់ចរាចរណ៍ដែលមានសភាពធ្ងន់ធ្ងរ ...
