ក្រុមការងាររាជរដ្ឋាភិបាលចុះមូលដ្ឋានស្រុកអង្គរធំ បើកវេទិកាសាធារណៈ ដើម្បីទទួលសំណើរ សំណូមពរ និងដោះស្រាយបញ្ហាជូនប្រជាពលរដ្ឋ
នៅថ្ងៃទី២៨ ខែមេសា ឆ្នាំ២០២៣នេះ ក្រុមការងាររាជរដ្ឋាភិបាលចុះមូលដ្ឋានស្រុកអង្គរធំ បានរៀបចំបើកវេទិកាសាធារណៈ ដើម្បីធ្វើការទទួលសំណើរ សំណូមពរ និងដោះស្រាយបញ្ហាជូនប្រជាពលរដ្ឋក្នុងមូលដ្ឋាន ដែលវេទិកានេះធ្វើឡើងនៅក្នុងបរិវេណវត្ដខ្នាចត្រាច ក្នុងឃុំពាក់ស្នែង ស្រុកអង្គរធំ ខេត្ដសៀមរាប។ ជាក់ស្ដែងវេទិកានាពេលនេះដែរ គឺប្រជាពលរដ្ឋ បានស្នើឱ្យអាជ្ញាធរជួយស្ថាបនាផ្លូវ សាងសង់កុដ្ឋព្រះសង្ឃស្នាក់នៅ រនាំងដាក់ធ្វើចរាចរណ៍ការពារតាមផ្លូវ បញ្ហាសណ្តាប់ធ្នាប់ ការជួយដោះស្រាយដល់ជីវភាពអតីតយុវជន និងបញ្ហាភូមិឃុំមានសុវត្ថិភាពក៍ដូចជាសេវាសាធារណៈជាដើម។ ...
