ស្នងការនគរបាលខេត្តសៀមរាប បញ្ជាក់ថាភ្នាក់ងារសន្តិសុខឯកជនមិនត្រឹមតែជាអ្នកការពារទ្រព្យសម្បត្តិឯកជនស្របច្បាប់ប៉ុណ្ណោះទេ គឺជាកម្លាំងជំនួយរបស់អាជ្ញាធរមានសមត្ថកិច្ច
ក្នុងឱកាសបើកវគ្គបំប៉នជំនាញភ្នាក់ងារសន្តិសុខឯកជនលើកទី២៣ នៅសណ្ឋាគារអង្គរហូវើដ នាព្រឹកថ្ងៃទី២១ ខែវិច្ឆិកា ឆ្នាំ២០១៩នេះ លោកឧត្តមសេនីយ៍ទោ ទិត្យ ណារ៉ុង ស្នងការ នៃស្នងការដ្ឋាននគរបាលខេត្តសៀមរាប បានមានប្រសាសន៍ថា ភ្នាក់ងារសន្តិសុខឯកជន ពុំមាននាទីត្រឹមតែជាអ្នកការពារទ្រព្យសម្បត្តិឯកជនស្របច្បាប់ ឬសហគ្រាសគ្រឹះស្ថានប៉ុណ្ណោះទេ តែក៏មានកាតព្វកិច្ចចូលរួមការពារសន្តិសុខសង្គម សណ្ដាប់ធ្នាប់សាធារណៈ និងអាយុជីវិតរបស់ប្រជាពលរដ្ឋផងដែរ ពិសេសគឺមានតួនាទីដ៏សំខាន់ ជាកម្លាំងជំនួយរបស់អាជ្ញាធរមានសមត្ថកិច្ច ដូច្នេះចាំបាច់ត្រូវមានសមាសភាពស្អាតស្អំ ...
