អាជ្ញាធរជាតិអប្សរាបានបញ្ចប់ការស្ដារប្រព័ន្ធបង្ហូរទឹកក្នុងបរិវេណប្រាសាទអង្គរវត្ត
តាមរបាយការណ៍របស់នាយកដ្ឋានគ្រប់គ្រងទឹកនៃអាជ្ញាធរជាតិអប្សរាបានបង្ហាញថា មុនរដូវវស្សាឆ្នាំនេះចូលមកដល់ ក្រុមការងារបានចុះពិនិត្យមើលស្ថានភាព ប្រព័ន្ធប្រឡាយរំដោះទឹកភ្លៀង និងលូរំដោះទឹក និងបានស្តារសម្អាតឡើងវិញនូវកកកំណកដីដែលអាចធ្វើឱ្យស្ទះដល់លំហូរទឹកបាន។ ជាក់ស្តែងកាលពីថ្ងៃទី០១ខែមិថុនា ឆ្នាំ២០១៩ ដល់ថ្ងៃទី២៥ ខែកក្កដា ឆ្នាំ២០១៩ ក្រុមការងារបានរៀបចំសម្អាត និងស្តារឡើងវិញនូវលូសម័យបារាំងបានចំនួន៩២កន្លែង ស្តារ និងសម្អាតប្រឡាយរំដោះទឹកភ្លៀងនៅក្នុងបរិវេណប្រាសាទអង្គរប្រវែងសរុប៨៤០០ម៉ែត្រ។ បច្ចុប្បន្នក្រុមការងារកំពុងបន្តស្តារ និងសម្អាតប្រឡាយរំដោះទឹក នៅក្នុងបរិវេណប្រាសាទព្រះខ័ន និងប្រព័ន្ធប្រឡាយរៀបឥដ្ឋនៅជុំវិញកសិន្ធុអង្គរវត្ត។ សូមបញ្ជាក់ថា ...
