ភរិយាអភិបាលខេត្តសៀមរាប មានស្មារតីលើកស្ទួយស្នាដៃខ្មែរ ទទួលបានការកោតសរសើរច្រើនពីមហាជន
តាមការផ្សាយរបស់សារព័ត៌មានក្នុងស្រុក បានឲ្យដឹងថា ថ្មីៗនេះមហាជនបានធ្វើការចែករំលែកពេញបណ្តាញសង្គម នូវរូបភាពជាច្រើនសន្លឹករបស់ភរិយាអភិបាលខេត្តសៀមរាប គឺលោកជំទាវ ទាង អេង ទៀ សីហា ភ្ជាប់ជាមួយនឹងសារកោតសរសើរពេញៗមាត់ថា បានទាំងសម្រស់ និងមានគំនិតលើកស្ទួយស្នាដៃខ្មែរទៀតផង។ ការលើកឡើងបែបនេះ បន្ទាប់ពីមហាជនសង្កេតឃើញថា រាល់កម្មវិធីតូចធំនានា លោកជំទាវតែងតែប្រើប្រាស់កាបូបដៃធ្វើពីដើមកំប្លោក ឬហៅថាកាបូបចាក់ ដែលជាស្នាដៃកូនខ្មែរ មើលទៅស្អាតសាកសម និងថ្លៃថ្នូរតែម្តង។ ...
