មន្ត្រីនៃមជ្ឈមណ្ឌលអង្គរសម្រាប់ការអភិរក្សជីវចម្រុះអះអាងថា អណ្តើកភ្នំឬអណ្តើកព្រិចកំពុងរងការគំរាមកំហែងខ្លាំង និងប្រឈមនឹងការផុតពូជ
មន្ត្រីនៃមជ្ឈមណ្ឌលអង្គរសម្រាប់ការអភិរក្សជីវចម្រុះអះអាងថា អណ្តើកភ្នំ ឬអណ្តើកព្រិច ត្រូវបានអង្គការសហភាពអន្តរជាតិដើម្បីអភិរក្សធម្មជាតិ(IUCN)កាលពីពេលថ្មីៗនេះ ចាត់ចូលជាប្រភេទសត្វដែលរងការគំរាមកំហែងខ្លាំងប្រឈមនឹងការផុតពូជនៅកម្ពុជា។ លោក Michael Meyerhoff នាយកប្រចាំប្រទេស នៃមជ្ឈមណ្ឌលអង្គរសម្រាប់អភិរក្សជីវចម្រុះ (ACCB) បានសម្តែងការព្រួយបារម្ភចំពោះស្ថានភាពអណ្តើកភ្នំ ដោយលោកបានលើកឡើងថា “ការដែលអណ្តើកភ្នំត្រូវបានចាត់ទុកជាប្រភេទសត្វដែលរងការគំរាមកំហែងខ្លាំង ប្រឈមនឹងការផុតពូជនោះ គឺបន្ទាប់ពីក្រុមជំនាញរបស់អង្គការ IUCN បានចុះសិក្សា និងវាយតម្លៃជាសកល នៃការថយចុះនូវចំនួនសត្វប្រភេទនេះជាង៨០ភាគរយ ...
