តារាជបដិមាដ៏ស័ក្តិសិទ្ធិនៃប្រាសាទអង្គរវត្តកំពុងប្រឈមនឹងការខូចខាត ដោយសារកត្តាមនុស្សមកបូជា
«តារាជ» ជាចម្លាក់ទេពតំណាងឱ្យព្រះវិស្ណុនៃព្រហ្មមញ្ញសាសនា ដែលមានព្រះហស្ថ៨ រចនាបថបាយ័ន្ត កម្ពស់ជិត៤ម៉ែត្រ ឆ្លាក់ពីថ្មមួយដុំ តម្កល់ទុកនៅច្រកចូលទិសខាងលិចនៃប្រាសាទអង្គរវត្ត គឺជាបដិមា ដែលព្រះមហាក្សត្រខ្មែរនិងប្រជាជនខ្មែរតាំងពីបុរាណ រហូតដល់បច្ចុប្បន្នគោរពបូជា ហើយចាត់ទុកជាស្តេចទេពដ៏ខ្ពង់ខ្ពស់បំផុត ដែលថែរក្សាប្រាសាទអង្គរវត្តរហូតដល់សព្វថ្ងៃ។ ប៉ុន្តែបដិមាដ៏ស័ក្តិសិទ្ធិនេះ កំពុងជួបនូវហានិភ័យបង្កឡើងដោយ ការគោរពបូជា ដោយស្រោចទឹកលើព្រះបាទ និងផ្សែងធូប របស់ភ្ញៀវទេសចរមកពីគ្រប់ទិសទី។ លោក ឡុង ...
