ព្រឹត្តិការណ៍ព្រះអាទិត្យរះចំពីលើកំពូលប្រាង្គកណ្ដាលប្រាសាទអង្គរវត្ត នៅតែជាទីចាប់អារម្មណ៍របស់ទេសចរជាតិនិងអន្តរជាតិ
ព្រឹត្តិការណ៍សមរាត្រី ឬព្រះអាទិត្យរះចំពីលើកំពូលប្រាង្គកណ្តាលប្រាសាទអង្គរវត្ត តែងលេចឡើង២ដង ក្នុងមួយឆ្នាំ ដែលត្រូវគេមើលឃើញថា បានទាក់ទាញភ្ញៀវទេសចរជាតិនិងអន្តរជាតិយ៉ាងច្រើនកុះករ មកទស្សនា និងផ្ដិតយករូបភាពដ៏អស្ចារ្យនេះ។ ថ្ងៃទី២៣ ខែមីនា ឆ្នាំ២០២០នេះ គឺជាថ្ងៃចុងក្រោយ ព្រឹត្តិការណ៍នេះ ដែលគេមើលឃើញថា មានការធ្លាក់ចុះចំនួនទេសចរដែលមកទស្សនា ដោយសារការភ័យខ្លាចនៃជំងឺកូវីត១៩។ អ្នកសិក្សាស្រាវជ្រាវនៃអាជ្ញាធរជាតិអប្សរា ធ្លាប់បានបង្ហាញថា ជារៀងរាល់ឆ្នាំសមរាត្រី(Equinox)តែងតែកើតមានពីរដងក្នុង១ឆ្នាំ ដោយនៅរដូវប្រាំង(VernalEquinox)កើតទ្បើងនៅក្នុងខែមីនា ...
