ក្នុងឆ្នាំ២០១៩នាយកដ្ឋានផ្សព្វផ្សាយនៃអាជ្ញាធរជាតិអប្សរា បានអប់រំបេតិកភណ្ឌដល់សិស្សក្នុងតំបន់រមណីយដ្ឋានអង្គរចំនួន១២៧៦នាក់
ដើម្បីរួមចំណែកបញ្ជ្រាបចំណេះដឹងអំពីវប្បធម៌ បរិស្ថាន និងការរួមចំណែករបស់កុមារក្នុងការថែរក្សាបុរាណដ្ឋាននៅតំបន់ដែលខ្លួនរស់នៅ កាលពីកន្លងទៅនេះអាជ្ញាធរជាតិអប្សរា បានបង្កើតកម្មវិធីអប់រំបេតិកភណ្ឌក្នុងតំបន់អង្គរ ដើម្បីផ្សព្វផ្សាយនៅតាមសាលាមួយចំនួនក្នុងតំបន់អង្គរឱ្យកុមារបានស្គាល់ យល់ដឹង បណ្តុះគំនិតស្រឡាញ់ និងចូលរួមថែរក្សានូវមរតកវប្បធម៌រូបីនិងអរូបីដែលមានក្នុងភូមិរបស់ខ្លួន។ ក្នងនោះដែរ ក្នុងឆ្នាំ២០១៩នេះ នាយកដ្ឋានផ្សព្វផ្សាយនៃអាជ្ញាធរជាតិអប្សរា បានបើកវគ្គអប់រំបេតិកភណ្ឌដល់សិស្សានុសិស្សចំនួន១២៧៦ នាក់ ស្រីមានចំនួន៥៤២ នាក់ ដែលមកពីសាលាបឋមសិក្សាចំនួន៨កន្លែងក្នុងតំបន់រមណីយដ្ឋានអង្គរ។ មេរៀនសំខាន់ៗនៅក្នុងកម្មវិធីអប់រំ គឺនិយាយអំពីប្រវត្តិនិងភូមិសាស្ត្រនៃភូមិនីមួយៗ តួនាទីកុមារក្នុងការរួមចំណែកថែរក្សាបុរាណដ្ឋានក្នុងភូមិ ...
