ជនជាតិរ៉ូម៉ានីម្នាក់ដែលជាប់ពាក់ព័ន្ធនឹងករណីរត់ពន្ធថ្នាំញៀនជាង៥គីឡូក្រាមត្រូវបាននគរបាលជំនាញខេត្តសៀមរាប ឃាត់ខ្លួននៅព្រលានយន្តហោះអន្តរជាតិសៀមរាប
មន្ត្រីនគរបាលការិយាល័យប្រឆាំងគ្រឿងញៀនខេត្តសៀមរាប បានឲ្យដឹងថា កាលពីវេលាម៉ោង៩និង៥៥នាទីព្រឹកថ្ងៃទី០៦ ខែកុម្ភៈ ឆ្នាំ២០១៩ ម្សិលមិញនេះ សមត្ថកិច្ចនគរបាលជំនាញការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្តសៀមរាប បានឃាត់ខ្លួនជនជាតិរ៉ូម៉ានីម្នាក់ ឈ្មោះ អូឡារូ ណាកស៊ីស ម៉ានូអែល បន្ទាប់ពីបានរកឃើញលាក់ថ្នាំញៀនមេតំហ្វេតាមីន ក្នុងកញ្ចប់ធំចំនួន៤ ផ្សេងៗគ្នា ដែលមានទម្ងន់សរុប៥គីឡូក្រាម២០មីលីក្រាម ក្នុងកាបូបស្ពាយ ខណៈដែលជនសង្ស័យកំពុងរង់ចាំយន្តហោះធ្វើដំណើរទៅក្រុងហុងកុង តាមជើងយន្តហោះ ...
