អាជ្ញាធរជាតិអប្សរាកំពុងមមាញឹកក្នុងការជួសជុលផ្លូវសំខាន់ៗក្នុងតំបន់រមណីយដ្ឋានអង្គរ
តាមប្រសាសន៍របស់លោកជំទាវ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ និងជាប្រធានអាជ្ញាធរជាតិអប្សរា ក្នុងឆ្នាំ២០១៩នេះ អាជ្ញាធរជាតិអប្សរាកំពុងតែមមាញឹកក្នុងការជួសជុល និងកែលម្អផ្លូវសំខាន់ៗមួយចំនួនក្នុងតំបន់អង្គរឱ្យមានភាពល្អប្រសើរ ដើម្បីផ្តល់ភាពងាយស្រួលក្នុងការធ្វើដំណើររបស់ភ្ញៀវទេសចរ និងបម្រើផលប្រយោជន៍ទូទៅផ្សេងទៀតដល់បងប្អូនប្រជាពលរដ្ឋក្នុងខេត្តសៀមរាប។ ជាក់ស្តែង កំណាត់ផ្លូវកូម៉ៃចាប់ពីចំណុចផ្លូវកែងសួនគ្រឿងទេសរបស់អាជ្ញាធរជាតិអប្សរា ឆ្ពោះទៅប្រាសាទអង្គរ ត្រូវបានជួសជុល និងកែលម្អឡើងវិញហើយដោយអ៊ុតកៅស៊ូបេទីម ដែលមានគុណភាពខ្ពស់ និងប្រើប្រាស់ជាប់បានយូរ។ រហូតមកដល់ថ្ងៃ២៩ ខែមករា ...