គម្រោងកាត់ទម្លាក់ខ្សែកាបលើអាកាសមកបង្កប់ក្រោមដី នៅក្នុងក្រុងសៀមរាបនឹងសម្រេចឱ្យរួចរាល់នៅក្នុងឆ្នាំ២០២៣ ខាងមុខ
ខណ:ពេលដែលខេត្តសៀមរាប កំពុងដំណើរការជួសជុល និងស្ថាបនាហេដ្ឋារចនាសម្ព័ន្ឋផ្លូវចំនួន៣៨ខ្សែ ព្រមទាំងប្រព័ន្ឋលូបង្ហូររំដោះទឹកស្អាត ទឹកកខ្វក់ ប្រព័ន្ឋអគ្គីសនី ប្រព័ន្ឋបណ្តាញទឹកស្អាត និងបណ្តាញទូរគមនាគមន៍នានា ត្រូវបានជួបប្រទះភាពរអាក់រអួល ដែលជាការរំខានដល់អ្នកប្រើប្រាស់ ជាពិសេសបណ្តាញខ្សែកាប ខ្សែអ៊ិនធឺណែតផ្សេងៗ ក៏ជួបបញ្ហាដែរ។ ទោះជាយ៉ាងណាគេសង្ឃឹមថា ក្រោយពីជួសជុលកែលំអនូវផ្លូវទាំង៣៨ខ្សែនេះរួច បណ្តាញទាំងអស់នេះនឹងលែងចោទជាបញ្ហាទៀតឡើយ។ ផ្ទុយទៅវិញនឹងជួយរួមចំណែកតាមគម្រោងផែនការទីក្រុងសៀមរាប ធ្វើឱ្យស្អាត នឹងក្លាយជាទីក្រុងឆ្លាតវៃទៀតផង។ ជាមួយនឹងនោះប្រព័ន្ឋអ៊ិនធឺណែត ...
