អាជ្ញាធរចាប់ផ្តើមស្តារត្រពាំងហែផ្កា ដើម្បីប្រែក្លាយត្រពាំងបុរាណមួយនេះទៅជារមណីយដ្ឋានទេសចរណ៍
អាជ្ញាធរសង្កាត់ជ្រាវ បានចាប់ផ្តើមដាក់គ្រឿងចក្រស្តារត្រពាំងបុរាណមួយ ឈ្មោះត្រពាំង´ហែផ្កា ដើម្បីរៀបចំទីនោះឲ្យក្លាយទៅជាតំបន់ទេសចរណ៍ បន្ទាប់ពីទទួលបានការអនុញ្ញាតពីអាជ្ញាធរជាតិអប្សរា។ លោក ក្អោប រ៉ន ចៅសង្កាត់ជ្រាវ បានឲ្យដឹងនៅព្រឹកថ្ងៃទី០១ ខែវិច្ឆិកានេះថា ត្រពាំងហែផ្កា នេះមានទំហំជាង៦ហិកតា និងមានដីចំណីត្រពាំងទទឹង៥០ម៉ែត្រព័ទ្ធជុំវិញ ស្ថិតនៅក្នុងភូមិបុស្សក្រឡាញ់ សង្កាត់ជ្រាវ ក្រុងសៀមរាប។ ត្រពាំងនេះនឹងត្រូវជីកស្តារជម្រៅ៣ម៉ែត្រ ដោយយកអាចម៍ដីមកចាក់បំពេញជុំវិញទួលមាត់ត្រពាំង កម្ពស់កន្លះម៉ែត្រទៅ ...
