ប្រធានមន្ទីរប្រៃសណីយ៍ និងទូរគមនាគមន៍ខេត្តសៀមរាប បង្ហាញថា ពលរដ្ឋក្នុងក្រុងសៀមរាប សាទរចំពោះការកាត់ខ្សែកាប្លិ៍អាកាស ប៉ុន្តែមានបញ្ហាប្រឈមចំពោះបណ្តាញខ្សែកាបស្ពាន់របស់ក្រុមហ៊ុនខាំមីនតែល
ក្នុងឱកាសដែលក្រុមការងារចម្រុះបន្តចុះកាត់ខ្សែអាកាសតាមដងផ្លូវខ្សែទី៨ ក្នុងក្រុងសៀមរាប នៅព្រឹកថ្ងៃទី២៤ ខែមេសា ឆ្នាំ២០១៩នេះ លោក សុខ សីហា ប្រធានមន្ទីរប្រៃសណីយ៍និងទូរគមនាគមន៍ខេត្តសៀមរាប មានប្រសាសន៍ថា សម្រាប់ការចុះអនុវត្តន៍ការងារនេះ ក្រុមការងារចម្រុះពុំមានជួបបញ្ហាប្រឈមនាំឱ្យរាំងស្ទះពីប្រជាពលរដ្ឋ ដែលមានលំនៅដ្ឋាននិងអាជីវកម្មនៅតាមដងផ្លូវនោះទេ ផ្ទុយទៅវិញពួកគាត់ បានសម្តែងការពេញចិត្ត និង បានសំណូមពរ សុំកាត់ឱ្យបានស្អាតល្អដើម្បីសោភ័ណ្ឌភាព និងសណ្តាប់ធ្នាប់សម្រាប់ទីក្រុងទេសចរណ៍របស់យើងទាំងអស់គ្នា ប៉ុន្តែបញ្ហាប្រឈមនោះ ...
