លទ្ធផលកិច្ចប្រជុំលើកទី៧ រដ្ឋមន្ត្រីសុខាភិបាលអាស៊ាន-ចិន បង្ហាញពីការប្ដេជ្ញារួមគ្នាលើកកម្ពស់សេវាសុខាភិបាល
ក្រោយពីការបញ្ចប់កិច្ចប្រជុំរដ្ឋមន្ត្រីសុខាភិបាលអាស៊ានលើកទី១៤ និងកិច្ចប្រជុំពាក់ព័ន្ធ នាក្រុងសៀមរាប សេចក្តីថ្លែងការរួមនៃកិច្ចប្រជុំរដ្ឋមន្ត្រីសុខាភិបាលអាស៊ានជាមួយសាធារណរដ្ឋប្រជាមានិតចិនលើកទី៧ បានបង្ហាញនៅល្ងាចថ្ងៃទី៣០ ខែសីហា ឆ្នាំ២០១៩ នូវការប្តេជ្ញាចិត្ត ពង្រឹងនវានុវត្តន៍ សម្រាប់លើកកម្ពស់សេវាសុខាភិបាល ដោយប្រើប្រាស់ព័ត៌មាន និងលទ្ធផលសុខភាព ដើម្បីដោះស្រាយបញ្ហាប្រឈម តាមរយៈនៃការលើកស្ទួយនវានុវត្តន៍វិស័យសុខាភិបាលជាមួយនឹងអន្តរាគមន៍លើគុណភាព និងធានាបរិស្ថាននៃការគាំទ្រ ហើយការប្តេជ្ញាចិត្តនេះ នឹងត្រូវដាក់បញ្ចូលទៅក្នុងកម្មវិធីការងារពាក់ព័ន្ធ នៃកិច្ចសហប្រតិបត្តិការវិស័យសុខាភិបាលអាស៊ាន ក្រោយឆ្នាំ២០២០ ។ ...
