អាជ្ញាធរខេត្តសៀមរាប ព្រមានបិទអាជីវកម្មកម្សាន្តទាំងឡាយណាដែលបង្កសំឡេងរំខានខុសពីការណែនាំរបស់អាជ្ញាធរ
អាជ្ញាធរខេត្តសៀមរាប នៅថ្ងៃទី១៩ ខែមេសា ឆ្នាំ២០២៣នេះ បានចេញសេចក្ដីណែនាំមួយ ដោយបានធ្វើការព្រមានបិទអាជីវកម្ម ចំពោះម្ចាស់អាជីវកម្មកម្សាន្តទាំងឡាយណា ដែលមិនគោរពតាមសេចក្តីណែនាំ និងលិខិតបទដ្ឋាននានាដែលមានជាធរមានបានណែនាំ។ យោងតាមសេចក្តីណែនាំខាងលើ បានបញ្ជាក់ថា ដើម្បីធានាបាននូវសន្តិសុខ សុវត្ថិភាព និងសុខុមាលភាពរបស់ប្រជាពលរដ្ឋ ក៏ដូចជាការរៀបចំសណ្តាប់ធ្នាប់របៀបរៀបរយសាធារណៈ សំដៅកាត់បន្ថយការរំខានដោយសំឡេង រួមទាំងការប្រកបអាជីវកម្មស្របតាមច្បាប់ និងលិខិតបទដ្ឋានគតិយុត្តជាធរមាន រដ្ឋបាលខេត្តសៀមរាប សូមណែនាំ ...
