យុវជនបីក្រុមនៅស្រុកអង្គរជុំ រួមគ្នាផ្សព្វផ្សាយទប់ស្កា់ត់ការបោះបង់ការសិក្សារបស់សិស្ស និងរៀបការនៅវ័យក្មេង
ក្រុមយុវជនចំនួន ៣ឃុំ នៅក្នុងស្រុកអង្គរជុំ ខេត្ដសៀមរាប បានរួមគ្នាផ្សព្វផ្សាយតាមរយ:ការសម្ដែងរឿងខ្លីពីការអប់រំដល់សិស្សានុសិស្ស និងអាណាព្យាបាល ព្រមទាំងបង្ហាញដល់អាជ្ញាធរ ឱ្យចូលរួមណែនាំដល់សិស្ស កុំឱ្យបោះបង់បោះការសិក្សា និងបញ្ហាប្រឈម នៃការរៀបអាពាហ៍ពិពាហ៍នៅវ័យក្មេង ដែលធ្វើឱ្យបាត់បង់អនាគត ធនធានមនុស្សនៅក្នុងសង្គមជាតិ។ ក្រុមយុវជនទាំងនោះមកពីក្លឹបកុមារ នៅឃុំតាសោម ឃុំនគរភាស និងឃុំស្រែខ្វាវ ស្រុកអង្គរជុំ ខេត្ដសៀមរាប ដែលរៀបចំដោយអង្គការភ្លែនអន្ដរជាតិកម្ពុជា ...
