ភ្លើងឆេះព្រៃមួយកន្លែងស្ថិតនៅក្នុងភូមិអញ្ចាញសង្កាត់នរគធំកាលពីល្ងាចម្សិលមិញនេះ ត្រូវបានកម្លាំងសមត្ថកិច្ចខេត្តសៀមរាប ចេញអន្តរាគមន៍ពន្លត់ទាន់ពេលវេលា
សមត្ថកិច្ចនគរបាលខេត្តសៀមរាប បានឲ្យដឹងថា បន្ទាប់ពីទទួលបានព័ត៌មានរាយការណ៍ពីប្រជាពលរដ្ឋនៅវេលាម៉ោង៦និង១០នាទីល្ងាច ថ្ងៃទី០១ ខែមីនា ឆ្នាំ២០១៩ ម្សិលមិញនេះ ថា មានករណីអគ្គិភ័យឆេះព្រៃមួយកន្លែងស្ថិតនៅក្នុងភូមិអញ្ចាញ សង្កាត់នរគធំ ក្រុងសៀមរាប កម្លាំងនគរបាលបង្ការពន្លត់អគ្គិភ័យ នៃអធិការដ្ឋាននគរបាលស្រុកប្រាសាទបាគង រថយន្តចំនួន១គ្រឿង និងរថយន្តពន្លត់ អគ្គិភ័យរបស់កងរាជអាវុធហត្ថខេត្ត ចំនួន ២គ្រឿង បានចេញជួយអន្តរាគមន៍ បាញ់ពន្លត់ភ្លើងឆេះព្រៃឲ្យរលត់ជាស្ថារពរទៅវិញម៉ោង៧និង៤០នាទីល្ងាចថ្ងៃដដែលនេះ ...
