សមត្ថកិច្ចនគរបាលខេត្តសៀមរាប បានឲ្យដឹងថា បន្ទាប់ពីទទួលបានព័ត៌មានរាយការណ៍ពីប្រជាពលរដ្ឋនៅវេលាម៉ោង៦និង១០នាទីល្ងាច ថ្ងៃទី០១ ខែមីនា ឆ្នាំ២០១៩ ម្សិលមិញនេះ ថា មានករណីអគ្គិភ័យឆេះព្រៃមួយកន្លែងស្ថិតនៅក្នុងភូមិអញ្ចាញ សង្កាត់នរគធំ ក្រុងសៀមរាប កម្លាំងនគរបាលបង្ការពន្លត់អគ្គិភ័យ នៃអធិការដ្ឋាននគរបាលស្រុកប្រាសាទបាគង រថយន្តចំនួន១គ្រឿង និងរថយន្តពន្លត់ អគ្គិភ័យរបស់កងរាជអាវុធហត្ថខេត្ត ចំនួន ២គ្រឿង បានចេញជួយអន្តរាគមន៍ បាញ់ពន្លត់ភ្លើងឆេះព្រៃឲ្យរលត់ជាស្ថារពរទៅវិញម៉ោង៧និង៤០នាទីល្ងាចថ្ងៃដដែលនេះ ។
សមត្ថកិច្ចនគរបាលខេត្តសៀមរាប បានឲ្យដឹងទៀតថាមូលហេតុនៃការឆេះនេះ អាចបណ្តាលមកពីអ្នកធ្វេីដំណេីរឆ្លងកាត់ ហេីយជក់បារី និងបានបេាះកន្ទុយបារីចោល ដោយមិនបានពន្លត់ ប៉ុន្តែក្នុងករណីនេះ មិនបង្កឲ្យមានការរីករាលដាលរ ឬខូចខាតទ្រព្យសម្បត្តិប្រជាពលរដ្ឋឡេីយ ។
ក្នុងឱកាសនោះដែរ សមត្ថកិច្ចនគរបាលខេត្តសៀមរាប បានអំពាវនាវដល់បងប្អូនប្រជាពលរដ្ឋទាំងអស់ មេត្តាចូលរួមបង្ការទប់ស្កាត់នូវគ្រេាះអគ្គិភ័យទាំងអស់គ្នា និងប្រុងប្រយ័ត្ននូវភ្លេីងទៀន ភ្លេីងធូប ភ្លេីងចង្កៀង ភ្លេីងចង្គ្រាន ភ្លេីងបារី ភ្លេីងអគ្គិសនី ប្រេងសាំង ហ្គាស និងសារធាតុគីមីងាយឆេះ ងាយផ្ទុះ និងសារធាតុដទៃទៀត ដេីម្បីសន្តិសុខ សុវត្ថិភាពរបស់យេីងទាំងអស់គ្នា ៕
អត្ថបទ និង រូបថត : លោក ថាច់ ពិសុទ្ធ
កែសម្រួលអត្ថបទ : លោក លីវ សាន្ត
