សមត្ថកិច្ចនគរបាលខេត្តសៀមរាប បានឲ្យដឹងថា កាលពីល្ងាចថ្ងៃទី០១ ខែមីនា ឆ្នាំ២០១៩ ម្សិលមិញនេះ យុវជនចំនួន ០២នាក់ ដែលជាប់សង្ស័យពាក់ព័ន្ធករណីគ្រឿងញៀន រួមមាន : ១- ឈ្មោះ ជុំ ចាន់ថា ភេទប្រុស ឆ្នាំកំណើត១៩៨២ មុខរបរនេរសាទត្រី មានទីលំនៅភូមិតារាម ឃុំជីក្រែង ស្រុកជីក្រែង ជាប់ពាក់ព័ន្ធនឹងករណីរក្សាទុកជួញដូរ និង ២. ឈ្មោះ ញឹម ម៉ី ភេទប្រុស ឆ្នាំកំណើត១៩៩០ មុខរបរគ្មាន មានទីលំនៅភូមិអូរត្រាច ឃុំស្ពានត្នោត ស្រុកជីក្រែងមានសារធាតុញៀនក្នងខ្លួន ត្រូវបានកម្លាំងការិយាល័ជំនាញគ្រឿងញៀន នៃស្នងការដ្ឋាននគរបាលខេត្តសៀមរាប បញ្ជូនខ្លួនទៅសាលាដំបូងខេត្ត កាលពីល្ងាចថ្ងៃទី០១ ខែមីនាឆ្នាំ២០១៩ នេះ ដេីម្បីចាត់ការតាមនីតិវិធីច្បាប់ ។
សមត្ថកិច្ចនគរបាលខេត្តសៀមរាប បានឲ្យដឹងទៀតថា ការឃាត់ខ្លួនយុវជនទាំង២នាក់នេះ គឺនៅក្នុងប្រតិបត្តិការមួយ កាលពីវេលាម៉ោង១០ នាថ្ងៃទី២៨ ខែកុម្ភៈ ឆ្នាំ២០១៩ ដែល កម្លាំងនគរបាល នៃអធិការដ្ឋាននគរបាលស្រុកជីក្រែង បានចុះធ្វេីការបង្ក្រាប និងឃាត់ខ្លួនបាន នៅចំនុចភូមិតារាម ឃុំជីក្រែង ស្រុកជីក្រែង ព្រមទាំងដកហូតវត្ថុតាង មានម្សៅមេតំហ្វេតាមីន ប្រភេទទឹកកកចំនួន១០កញ្ចប់ ស្មើនឹងទំងន់ ១,១ ក្រាម (ទាំងសំបក) , ទូរស័ព្ទដៃចំនួន០១គ្រឿង និងម៉ូតូចំនួន០១គ្រឿង ៕
អត្ថបទ និង រូបថត : លោក ថាច់ ពិសុទ្ធ
កែសម្រួលអត្ថបទ : លោក លីវ សាន្ត
ព័ត៌មានជាតិ ថ្មីៗ
