គម្រោងក្មេងស្រីដឹកនាំសកម្មភាព នឹងជួយជំរុញឲ្យក្មេងស្រីនិងស្រ្តីវ័យក្មេងកាន់តែមានភាពក្លាហាន មានសមត្ថភាពប្រែក្លាយខ្លួនជាអ្នកដឹកនាំនាពេលអនាគត
នៅព្រឹកថ្ងៃទី៣ ខែមិថុនា ឆ្នាំ២០២៤នេះ សមាគមយុវជនខ្មែរ សហការជាមួយអង្គការភ្លែនអន្តរជាតិកម្ពុជា បានសម្ពោធដាក់ឲ្យដំណើរការគម្រោងក្មេងស្រីដឹកនាំសកម្មភាព! ការពង្រីកភាពអង់អាចរបស់ក្មេងស្រី និងស្រ្តីវ័យក្មេងក្នុងការទទួលបានការអប់រំរៀនសូត្របង្កើតគំនិតផ្តួចផ្តើមថ្មីៗដើម្បីសម្រេចបានសមភាពយេនឌ័រនៅក្នុងប្រទេសកម្ពុជា ក្រោមវត្តមានលោកជំទាវ ចាន់ សុធាវី អនុរដ្ឋលេខាធិការក្រសួងកិច្ចការនារី លោកជំទាវសិន ណម ប្រធានគណៈកម្មការពិគ្រោះយោបល់កិច្ចការស្ត្រី និងកុមារខេត្តសៀមរាប និងលោកស្រី ម៉ននី រង្សី អភិបាលរងខេត្ត ...
