នៅសល់តែមួយថ្ងៃទៀតប៉ុណ្ណោះ ពិធីប្រណាំងទូក នៅតាមបណ្ដោយស្ទឹងក្នុងក្រុងសៀមរាប នឹងរៀបចំប្រកួតជាផ្លូវការហើយ ក្នុងនោះទូកចំនួន ៣៤គ្រឿង បានចុះឈ្មោះចូលរួមប្រកួត ដើម្បីអបអរក្នុងព្រះរាជពិធីបុណ្យ អុំទូក អកអំបុក បណ្តែតប្រទីប សំពះព្រះខែ មានរយៈពេលបួនថ្ងៃ គឺចាប់ពីថ្ងៃទី០៩ ដល់១២ ខែវិច្ឆិកាឆ្នាំ២០១៩ ដែលរៀបចំដោយរដ្ឋបាលខេត្តសៀមរាប។
ចំនួនទូកដែលបានចូលរួមប្រកួតក្នុងឆ្នាំ២០១៩នេះ មានការកើនឡើងចំនួន០១ទូក បើធៀបនឹងឆ្នាំ២០១៨ ដែលមានចំនួនតែ ៣៣ទូកប៉ុណ្ណោះ។ ក្នុងចំណោមទូកទាំង ៣៤នោះ ២៩ជាទូកអុំបុរស និង ០៥ទូកជាទូកអុំនារី។
នៅព្រឹកថ្ងៃទី០៩ ខែវិច្ឆិកា ឆ្នាំ២០១៩ គណ:កម្មការបច្ចេកទេស ទូក ង របស់រដ្ឋបាលខេត្តសៀមរាប បានធ្វើការបែងចែក ទូកបុរស ជាបួនប៉ូល ដោយឡែកទូកអុំនារីចំនួន ០៥ទូក ស្ថិតនៅក្នុងប៉ូលតែមួយ។
ពូលចំនួន ៤នោះ រួមមាន៖
– ពូល A
១/ មហាកោសាមានជ័យ ប៉ះជាមួយ ឥន្ទ្រីសែនជ័យបារមីសាលាដំបូង ២/ ព្រះនរាយណ៍សែនជ័យបារមីភ្នំគូលែន ប៉ះជាមួយ ហនុមានសែនជ័យបារមីស្រីគ្រប់លក្ខណ៍ ៣/ អង្គរសែនជ័យ ប៉ះជាមួយ រំដួលសែនជ័យបារមីអង្គរ ៤/ អេយូរះតេជៈបារមីរស្មីអង្គរ ប៉ះជាមួយ មិត្តភាពខ្មែរនិងចិន
– ពូល B
១/ ពាមសាមគ្គីសែនជ័យ ប៉ះជាមួយ ហនុមាន ២/ គោចារមានជ័យរស្មីសាមគ្គី ប៉ះជាមួយបារមីនាគរាជតេជោសែនជ័យ ៣/ សណ្ឋាគារបាត់ធឺផ្លាយភី ប៉ះជាមួយ ហង្សមាសមានឬទ្ធិ ៤/ តារាជមានជ័យបារមីដំបងដែក ប៉ះជាមួយ សៀមរាបមានជ័យបារមីអង្គរ
– ពូល C
១/ គ្រុឌមាសតេជោសែនជ័យ ប៉ះជាមួយ ពលខ័ណ្ឌអូបីទីមុនីរង្សីមានរិទ្ធិ ២/ រុក្ខាសែនជ័យ បារមីម្ជុលពេជ្រ ប៉ះជាមួយ មហាសាល ៣/ចាយ៉ាហៅស៏មានជ័យ បារមីមហារំអិល ប៉ះជាមួយ ប៊ីអេហ្វធីអង្គរជ័យ ៤/អេខេស៊ីធីវី ប៉ះជាមួយ គូលែនសែនជ័យទឹកដីអច្ឆរិយៈ
– ពូល D
១/ សូទ្រនិគមសែនជ័យបារមីតាពេជ្រ ប៉ះជាមួយ នាគអង្គរមានជ័យ ២/ សៀមរាបក្រុងមរតកអង្គរ ប៉ះជាមួយ ហនុមានសែនជ័យ។ សូមបញ្ជាក់ថា សម្រាប់ ទូកគូទី២ ក្នុងពូល D ឈ្មោះ សៀមរាបក្រុងមរតកអង្គរ និងហនុមានសែនជ័យ អ្នកដែលឈ្នះ នឹងទៅជួបជាមួយ ចន្ទីមនោជ័យស្រីម្ជុលពេជ្រ ដែលជាគូរង់ចាំ។
– រីឯពូល E ដែលជាទូកអុំនារី គណ:កម្មការបច្ចេកទេស ទូក ង ខេត្ត ពុំទាន់បានបង្ហាញពីការផ្គូរផ្គងឡើយ ដោយគ្រាន់តែដឹងថាមាន ទូកទី១/ ឈ្មោះ អង្គរជុំសែនជ័យ ២/ យាយទេពសំដែងរិទ្ធិ ៣/ គង់ជ័យបារមីស្រិខ្ទុម ៤/ កំហែងពលវិបុលរាជ ៥/ ហង្សចន្ច័មានជ័យបារមីមហានគរ។
សូមបញ្ជាក់ថា សម្រាប់ឆ្នាំ២០១៩នេះ ចំណុះទូកបុរសបានកើនឡើង ពី២៨នាក់ ទាំងបម្រុង រហូតដល់៣២នាក់ទាំងបម្រុង។ ដើម្បីចៀសការបន្លំចំណុះទូក ដែលមិនបានចុះឈ្មោះយកមកអុំខុសលក្ខខណ្ឌ រដ្ឋបាលខេត្តសៀមរាប តម្រូវឲ្យចំណុះទូកទាំងអស់ពាក់កាតសម្គាល់ខ្លួនមុនឡើងទូកអុំ។
ចំនួនទូកប្រណាំងកើនឡើង ក្នុងព្រះរាជពិធីបុណ្យអុំទូក ក្នុងខេត្តសៀមរាប ឆ្នាំ២០១៩
ចំនួនទូកប្រណាំងកើនឡើង ក្នុងព្រះរាជពិធីបុណ្យអុំទូក ក្នុងខេត្តសៀមរាប ឆ្នាំ២០១៩#ព័ត៌មានខេត្តសៀមរាប
Posted by ទូរទស្សន៍ជាតិខេត្តសៀមរាប – TV Siem Reap on Saturday, November 9, 2019
អត្ថបទ និងរូបភាព៖ លោក ខេង ឧត្តម
កែសម្រួលអត្ថបទ៖ លោក សេង ផល្លី
