សត្វគោ-ក្របីរបស់ប្រជាពលរដ្ឋនៅឃុំមុខប៉ែនក្នុងស្រុកពួក ទទួលបានការចាក់វ៉ាក់សាំងការពារជំងឺដែលនឹងកើតមាននៅក្នុងរដូវវស្សានេះ
លោក ព្រំ វិច ប្រធានការិយាល័យផលិតកម្ម និងបសុព្យាបាល នៃមន្ទីរកសិកម្ម រុក្ខាប្រមាញ់និងនេសាទខេត្តសៀមរាប បានឲ្យដឹងថា ក្រោមកិច្ចសហការជាមួយភ្នាក់ងារពេទ្យសត្វភូមិ ថ្ងៃនេះយើងបានចុះមកធ្វើការចាក់វ៉ាក់សាំងការពារជំងឺ អុតក្តាម សារទឹក និង បូសខ្យល់គោ ក្របី ក្នុងគោលបំណងទប់ស្កាត់ការឆ្លងរីករាលដាលជំងឺនានាដល់សត្វគោ ក្របីរបស់ប្រជាកសិករ ស្របពេលដែលរដូវវស្សាបានមកដល់ ជាពិសេសការពារហានិភ័យដល់សត្វពាហនៈ ក្រែងមានទឹកជំនន់ជាយថាហេតុកើតមាននៅក្នុងមូលដ្ឋានណាមួយ ...
