អាជ្ញាធរសង្កាត់សៀមរាប ចាប់ផ្ដើមធ្វើការជួសជុលផ្លូវដីសមួយខ្សែស្ថិតនៅក្នុងភូមិអារញ្ញឡើងវិញ នៅថ្ងៃនេះ
ក្រោមគំនិតផ្តួចផ្តើមរបស់ព្រះវិតមុនីញាណ ហ៊ាក់ គឹមហ៊ត់ ព្រះចៅអធិការវត្តអារញ្ញសាគរ ព្រមទាំងអាចារ្យ គណៈកម្មការវត្ត និងបងប្អូនប្រជាពលរដ្ឋក្នុងមូលដ្ឋាន និងព្រះតេជគុណ ព្រហ្មបញ្ញោ ឡាយ ជឿន ព្រះវិន័យធរវត្តពោធិបន្ទាយជ័យ បានឯកភាពគ្នាជាឯកច្ឆ័ន្ទជាមួយអាជ្ញាធរសង្កាត់សៀមរាបផងនោះ ផ្លូវលំប្រភេទដីសមួយខ្សែដែលភ្ជាប់ពីផ្លូវបេតុងនៃភូមិប្រឡាយ ឆ្ពោះទៅទិសខាងត្បូងទល់គ្នានឹងផ្លូវកែងខាងកើតវត្តអារញ្ញាសាគរ។ ផ្លូវនេះដែរមានទទឹងប្រវែង៦ម៉ែត្រ និងបណ្តោយប្រវែង១.៥០០ម៉ែត្រ ត្រូវបានធ្វើការជួសជុលឡើងវិញជាផ្លូវគ្រួសក្រហម នៅថ្ងៃទី១២ ខែមេសា ...
