ភ្លើងឆេះម៉ាស៊ីនភ្លើង និងស៊ីទែនប្រេងចំណុះ៥ពាន់លីត្រ ក្នុងបរិវេណភោជនីយដ្ឋានអាប៉ូឡូប្លាស្សា ក្រុងសៀមរាប
នៅវេលាម៉ោងប្រមាណ ៨និង២០នាទីយប់ ថ្ងៃទី០៥ខែឧសភាឆ្នាំ២០១៩ មានអគ្គីភ័យឆេះម៉ាស៊ីនភ្លើង និងស៊ីទែនប្រេងចំណុះ៥ពាន់លីត្រយ៉ាងសន្ធោសន្ធៅ នៅក្នុងបរិវេណភោជនីយដ្ឋានអាប៉ូឡូប្លាស្សា ស្ថិតក្នុងភូមិខ្នារ សង្កាត់ជ្រាវ ក្រុងសៀមរាប ខណៈភោជនីយដ្ឋានេះកំពុងរៀបចំពិធីមង្គលការមួយ និងមានភ្ញៀវនៅក្នុងអាគារជាច្រើនរយនាក់។ លោកឧត្តមសេនីយ៍ទោ ទិត្យ ណារ៉ុង ស្នងការនគរបាលខេត្តសៀមរាបបានឱ្យដឹងថា ករណីអគ្គីភ័យនេះបណ្តាលមកពីផ្ទុះប្រអប់ភ្លើងដែលនៅជិតម៉ាស៊ីនភ្លើង ហើយឆាបទៅឆេះស៊ីទែនប្រេងឥន្ធនៈ និងបន្តឆេះម៉ាស៊ីន និងរោងដាក់ម៉ាស៊ីនភ្លើងតែម្តង។ ក្នុងករណីអគ្គីភ័យនេះ ...
