ក្រុមអ្នកជំនាញប្រទះឃើញចម្លាក់បដិមារថ្មភក់ចំនួន៦ នៅខ្លោងទ្វារខាងត្បូង ប្រាសាទតាព្រហ្ម
ក្រុមការងារជូសជុលប្រាសាទបុរាណរបស់អាជ្ញាធរជាតិអប្សរា កាលពីពេលថ្មីៗនេះ បានប្រទះឃើញចម្លាក់បដិមារបុរាណធ្វើពីថ្មភក់ចំនួន ៦ដុំ នៅក្នុងការដ្ឋាន ខណ:ដែលអ្នកជំនាញកំពុងតែជួសជុលនៅការដ្ឋានប្រាសាទតាព្រហ្ម។ បុរាណវិទូនៃនាយកដ្ឋានអភិរក្សប្រាសាទ និងបុរាណវិទ្យារបស់អាជ្ញាធរជាតិអប្សរា អ្នកស្រី នេត ស៊ីមន នៅថ្ងៃទី២០ ខែធ្នូ ឆ្នាំ២០២៣នេះ បានឲ្យដឹងថា ចម្លាក់ថ្មបុរាណដែលគេប្រទះឃើញនោះ មានរូបព្រះពុទ្ធគង់ភ្នែនប្រក់នាគនៅកណ្តាល និងខាងឆ្វេងមានរូបប្រាជ្ញាបារមី និងខាងស្តាំមានរូបលោកកេស្វរៈចំនួន២ រូបលោកកេស្វរៈចំនួន១រូប ...
