ដើមពោធិ៍ ដើមជ្រៃ និងរុក្ខជាតិធំៗមួយចំនួនទៀត បង្កហានិភ័យដល់ប្រាង្គប្រាសាទ ដែលអាជ្ញាធរជាតិអប្សរា គិតគូរពីផលប៉ះពាល់ នៃការថែរក្សាប្រាំងប្រាសាទ
ក្រុមការងារកាត់សម្អាតរុក្ខជាតិ លើប្រាសាទ ក្នុងរមណីយដ្ឋានអង្គរ តែងតែបានកាត់សម្អាតរុក្ខជាតិតូចធំ ជាប្រចាំថ្ងៃ ទៅតាមផែនការគ្រោងទុក ដែលបានរៀបចំឡើងតាមស្ថានភាពជាក់ស្តែង ដើម្បីបញ្ជៀសនូវហានិភ័យផ្សេងៗ ដែលបង្កឡើងដោយដើមរុក្ខជាតិមានផ្លែ។ លោក ងិន ធី អ្នកទទួលបន្ទុកការសម្អាតរុក្ខជាតិតាមប្រាសាទ នៃនាយកដ្ឋានអភិរក្សប្រាសាទក្នុងឧទ្យានអង្គរ និងបុរាណវិទ្យាបង្ការ បានឱ្យដឹងកាលពីថ្ងៃទី០៣ ខែមករា ឆ្នាំ២០២២នេះថា ក្នុងចំណោមរុក្ខជាតិទាំងអស់ ដែលដុះនៅលើប្រាសាទ ...
