សម្តេចនាយករដ្ឋមន្រ្តី ហ៊ុន សែន បានស្នើឱ្យគណបក្សនយោបាយកុំញុះញង់ឱ្យប្រជាពលរដ្ឋទៅរំលាភយកដីនៅក្នុងតំបន់បេតិកភណ្ឌ ខណៈដែលតំបន់ទាំងនោះត្រូវបានការពារនិងអភិរក្សបានយ៉ាងល្អ
សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា នៅក្នុងពិធីបើកពិធីអបអរសាទរខួប២៥ឆ្នាំ នៃការបង្កើតគណៈកម្មាធិការអន្តរជាតិសម្របសម្រួលកិច្ចការគាំពារ និងអភិរក្សតំបន់រមណីយដ្ឋានប្រវត្តិសាស្រ្តអង្គរ (ICC Angkor) នៅខេត្តសៀមរាបនៅព្រឹកថ្ងៃទី០៤ខែធ្នូឆ្នាំ២០១៨នេះថា បានអំពាវនាវឲ្យគណបក្សនយោបាយទាំងអស់ សុំកុំញុះញង់ឱ្យប្រជាពលរដ្ឋទៅរំលាភយកដីនៅក្នុងតំបន់បេតិកភណ្ឌ ខណៈដែលតំបន់ទាំងនោះកំពុងត្រូវបានការពារនិងអភិរក្សបានយ៉ាងល្អហើយនោះ។ សម្តេចតេជោបានមានប្រសាសន៍ថា កម្ពុជាពិតជាទទួលបាននូវការឈឺចាប់នៅក្នុងពេលកម្ពុជាជួបភ្លើងសង្គ្រាមជាង៣ទសវត្ស។ ពេលនោះមានការប្រយុទ្ធគ្នាដោយអាវុធជាច្រើន និងធ្វើឱ្យប្រាសាទបុរាណរបស់យើងប្រឈម នឹងការប៉ះពាល់ផងដែរ។ ប៉ុន្តែសម្តេចបានខិតខំបញ្ជៀសមិនឱ្យមានការប្រយុទ្ធគ្នាដោយអាវុធនៅក្នុងតំបន់ដែលមានបេតិកភណ្ឌនេះ ដើម្បីជៀសវាងប៉ះពាល់ដល់ប្រាសាទ ...
