ក្រសួងសុខាភិបាលថៃព្រមានថា ការផ្ទុះរាតត្បាតវីរ៉ុសកូរ៉ូណា អាចកើតមានឡើង នៅតំបន់ទេសចរណ៍
ក្រសួងសុខាភិបាលសាធារណៈរបស់ថៃបានព្រមានថា អាចកើតមានការផ្ទុះរាតត្បាត វីរ៉ុសផ្លូវដង្ហើមថ្មីកូរ៉ូណា នៅក្នុងតំបន់ដែលមានភ្ញៀវទេសចរជនជាតិចិនច្រើន ដូចជាទីក្រុងបាងកក, ទីក្រុងឈៀងម៉ៃ និងកោះភូកេត។ នេះបើយោងតាមសារព័ត៌មាន BangkokPost ចុះផ្សាយឲ្យដឹងកាលពីយប់ថ្ងៃទី២៩ ខែមករា ឆ្នាំ២០២០។ ការប្រកាសព្រមានរបស់ក្រសួងដែលបានធ្វើឡើងនៅថ្ងៃនេះ បន្ទាប់ពីអ្នកបើករថយន្តក្រុងជនជាតិជប៉ុនម្នាក់ ត្រូវបានគេរាយការណ៍ថា បានឆ្លងវីរ៉ុសកូរ៉ូណា នៅពេលដែលបើករថយន្តដឹកភ្ញៀវទេសចរជនជាតិចិន ដែលមកពីទីក្រុងវូហានប្រទេសចិន។ អ្នកបើករថយន្តជនជាតិជប៉ុនរូបនេះ មិនធ្លាប់បានធ្វើដំណើរទៅកាន់ទីក្រុងវូហាននោះទេ។ ...
