អាជ្ញាធរសុខាភិបាលរុស្ស៊ី កាលថ្ងៃអង្គារ ទី២៨ ខែមេសា ឆ្នាំ២០២០ម្សិលមិញនេះ បានប្រកាសពីការរកឃើញអ្នកឆ្លងជំងឺ COVID-19 ៦,៤១១ករណីថ្មី ក្នុងរយៈពេលតែ២៤ម៉ោង ប៉ុណ្ណោះ ធ្វើឱ្យអ្នកឆ្លងសរុបទូទាំងប្រទេសកើនដល់ ៩៣,៥៥៨នាក់។ នេះបើតាមការចេញផ្សាយដោយទីភ្នាក់ងារព័ត៌មាន Reuters។
បើតាមអាជ្ញាធរសុខាភិបាលរុស្ស៊ី ចំនួនអ្នកស្លាប់ដោយសារ COVID-19 ក៏បានកើនដល់ ៨៦៧នាក់ផងដែរ បន្ទាប់ពីអ្នកស្លាប់ថ្មី ៧២នាក់ត្រូវបានរាយការណ៍។ ម្យ៉ាងវិញទៀត គិតត្រឹមម៉ោង៤ៈ០០រសៀល នៅថ្ងៃអង្គារ ចំនួនអ្នកឆ្លងជំងឺឆ្លងដ៏កាចសាហាវនេះបានកើនលើសប្រទេសអ៉ីរ៉ង់ ដែលមានករណីឆ្លងសរុប ៩១,៤៧២ករណី។ ចំណែកឯទីក្រុងម៉ូស្គូ នៅតែរ៉ាប់រង អ្នកឆ្លងច្រើន ជាងគេនៅទូទាំងប្រទេសរុស្ស៊ីចំនួន ៤៨,៤២៦ករណី៕
