កំណាត់ផ្លូវជាតិលេខ៦ចាប់ពីចំណុច ព្រះរាជដំណាក់ដល់រវង្វង់មូលព្រលានយន្ដហោះ នៅក្នុងក្រុងសៀមរាប នឹងចាប់ផ្ដើមពង្រីកសារជាថ្មី
កំណាត់ផ្លូវជាតិលេខ៦ ចាប់ពីចំណុចខាងលិចព្រះរាជដំណាក់ ដល់រវង្វង់មូលផ្លូវបែកទៅព្រលានយន្ដហោះ អន្ដរជាតិខេត្ដសៀមរាប ត្រូវបានពង្រីកនិងកែលំអរជាថ្មី ដោយគ្រោងនឹងរួចរាល់នៅចុងឆ្នាំ២០២១។ នេះបើតាមប្រសាសន៍ ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ដ្រីក្រសួងសាធារណៈការ និងដឹកជញ្ជូន ក្នុងឱកាសឯកឧត្តម ដឹកនាំប្រតិភូក្រុមការងារបច្ចេកទេសចុះពិនិត្យគម្រោងស្ថាបនាហេដ្ឋារចនាសម្ព័ន្ធផ្លូវចំនួន ៣៨ខ្សែ នៅក្នុងក្រុងសៀមរាប កាលពីថ្ងៃទី១៥ ខែវិច្ឆិកា ឆ្នាំ២០២០កន្លងទៅ។ ...
