បណ្តាញខ្សែកាប្លិ៍ក្រោមដីក្នុងក្រុងសៀមរាប ជាផ្នែកមួយនៃគម្រោងរៀបចំទីក្រុងស្អាត និងឆ្លាតវៃ ក្រោយពេលហេដ្ឋរចនាសម្ព័ន្ធផ្លូវ៣៨ខ្សែត្រូវបានបញ្ចប់
រដ្ឋបាលខេត្តសៀមរាប បានអនុវត្តគម្រោងរៀបចំនិងប្រើប្រាស់បណ្តាញបំពង់ខ្សែកាបអុបទិកក្រោមដី តាំងពីឆ្នាំ២០១៨ ក្នុងគោលដៅលុបបំបាត់ទាំងស្រុង ការប្រើប្រាស់បណ្តាញទូរគមនាគមន៍ខ្សែកាប្លិ៍អាកាស ដែលវាមានផលប៉ះពាល់ទាំងផ្នែកបច្ចេកទេស និងសោភ័ណភាព។ នេះបើតាមការបញ្ជាក់ពីលោកស្រី យូ សុភា អភិបាលរងខេត្តសៀមរាប ព្រឹកថ្ងៃទី២៤ ខែឧសភា ឆ្នាំ២០២១ ក្នុងឱកាសដឹកនាំក្រុមការងារចុះកាត់ទំលាក់ខ្សែកាប្លិ៍លើអាកាសនៅតាមបណ្តោយផ្លូវសម្តេចសង្ឃ ទេព វង្ស នៃក្រុងសៀមរាប ចាប់ពីចំណុចស្ពានវត្តរាជបួណ៌ រហូតដល់ស្តុបផ្សារកណ្តាល។ ...
