ផ្សារលើធំថ្មី៖ការដ្ឋានចំណតសម្រាប់រថយន្តធុនតូចជំហានដំបូង សម្រេចបាន៨០ភាគរយហើយ
គិតត្រឹមព្រឹកថ្ងៃទី២២ ខែមិថុនា ឆ្នាំ២០២០នេះ ការដ្ឋានចំណតសម្រាប់រថយន្តធុនតូចជំហានទី១ នៅខាងមុខផ្សារលើធំថ្មី សម្រេចបាន ៨០ភាគរយហើយ និងត្រៀមបញ្ចប់ក្នុងពេលដ៏ខ្លីខាងមុខ ដើម្បីសម្រួលចរាចរណ៍ជូនប្រជាពលរដ្ឋក្នុងក្រុង និងលើកកម្ពស់សោភណ្ឌភាពក្នុងក្រុងសៀមរាប។ តាមការបង្ហាញរបស់អ្នកគ្រប់គ្រងការដ្ឋាន បន្ទាប់ពីការរុះរើ និងឈូសឆាយខឿនចាស់ចោលរួច ក្រុមការងារបានរៀបចំចាក់បេតុរួចរាល់ហើយ នៅសល់តែការរៀបចំគំនូសទីតាំង សម្រាប់ចតរថយន្តតែប៉ុណ្ណោះ ដែលការងារនេះ ក្រុមការងារជំនាញរបស់រដ្ឋបាលខេត្តសៀមរាប នឹងធ្វើការត្រួតពិនិត្យ ដើម្បីសម្រេចបញ្ចប់ការងារនៅសេសសល់។ ...
