សមត្ថកិច្ចខេត្តសៀមរាបបើកការសើបអង្គេតកំណត់មុខសញ្ញាជនដៃដល់វាយប៉ុនប៉ងសម្លាប់ចាងហ្វាងកាសែតម្នាក់ក្នុងខេត្តសៀមរាប
នៅព្រឹកថ្ងៃទី១៥ ខែមីនា ឆ្នាំ២០២១នេះ កម្លាំងសមត្ថកិច្ចខេត្តសៀមរាបកំពុងធ្វើការសើបអង្គេតតាមដានជនសង្ស័យចំនួន៤នាក់ ពីបទប៉ុនប៉ងសម្លាប់ចាងហ្វាងកាសែតម្នាក់កាលពីយប់ថ្ងៃទី១៤ ខែមីនា ឆ្នាំ២០២១។ លោកវរសេនីយ៍ឯក ស៊ុន អេង អធិការនគរបាលស្រុកស្វាយលើ បានឲ្យដឹងថា កម្លាំងលោកនៅមិនទាន់កំណត់មុខសញ្ញាជនដៃដល់នៅឡើយទេ ព្រោះក្រោយកើតហេតុជនរងគ្រោះពុំទាន់បានដាក់ពាក្យបណ្តឹង ដោយកំពុងសំរាកព្យាបាលហើយមានតែបងប្អូនមកផ្តល់ព័ត៍មានខ្លះៗប៉ុណ្ណោះ។ ប៉ុន្តែលោកសន្និដ្ឋានថាចំពោះករណីនេះទំនងពិបាកស្រាវជ្រាវ ព្រោះមិនអាចកំណត់បានថាករណីនេះជារឿងគុំនំ ឬយ៉ាងណាព្រោះជនរងគ្រោះដើរដេកពាសវាលពាសកាល ទោះបីអាជ្ញាធរមានសមត្ថកិច្ចហាមយ៉ាងណាក៍មិនស្តាប់ ខណ:នេះសមត្ថកិច្ចរបស់លោកកំពុងទៅសាកសួរជនរងគ្រោះបន្ថែម ...
