ការជំរឿនសមាជិកឱសថការីកម្ពុជាបង្ហាញថាពីភាពច្បាស់លាស់នៃអាជ្ញាប័ណ្ណប្រកបវិជ្ជាជីវៈ
ថ្លែងក្នុងឱកាសពិធីធ្វើជំរឿនសមាជិក គណៈឱសថការីកម្ពុជាប្រចាំខេត្តសៀមរាប នៅថ្ងៃទី១២ខែកុម្ភៈឆ្នាំ២០១៩លោក ឱសថការី បាន បុត្តា ប្រធានក្រុមប្រឹក្សាគណៈឱសថការីជាតិនៃគណៈឱសថការីកម្ពុជា បានអំពាវនាវដល់ឱសថការីទាំងឡាយណា ដែលមិនទាន់ចូលជាសមាជិកគណៈឱសថការីកម្ពុជា សូមរួសរាន់ចុះឈ្មោះចូលជាសមាជិកនៃឱសថការីកម្ពុជានៅតាមបណ្តារាជធានីខេត្ត។ លោក បានសំណូមពរដល់សមាជិក សមាជិកានៃគណៈឱសថការីកម្ពុជាទាំងអស់ សូមពិនិត្យឡើងវិញនូវចំណុចខ្វះខាតរបស់ខ្លួនក្នុងការប្រកបវិជ្ជាជីវៈ ត្រូវពង្រឹងនូវសាមគ្គីផ្ទៃក្នុង ចេះយោគយល់និងអធ្យាស្រ័យឱ្យគ្នាទៅវិញទៅមក និងត្រូវគោរពឱ្យបានខ្ជាប់ខ្ជួននូវ ច្បាប់និងលិខិតបទដ្ឋាន ឯកសារគតិយុត្តិ របស់ក្រសួងសុខាភិបាល ...
