សមត្ថកិច្ចនគរបាលខេត្តសៀមរាប បានឲ្យដឹងថា ចាប់ពីវេលាម៉ោង០៣រសៀលដល់ម៉ោង០៧យប់ នាថ្ងៃទី០៩ ខែកញ្ញា ឆ្នាំ២០១៩កន្លងទៅនេះ កម្លាំងការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្តសៀមរាប បានចុះបង្ក្រាបករណីរក្សាទុក ជួញដូរ ចាត់ចែង និង ប្រើប្រាស់ដោយខុសច្បាប់នូវសារធាតុញៀន នៅចំនុចដីឡូត៍ទុកចោលមួយកន្លែងស្ថិតក្នុងក្រុមទី០១ ភូមិវត្តស្វាយ សង្កាត់សាលាកំរើក ក្រុងសៀមរាប ខេត្តសៀមរាប ឃាត់ខ្លួនមនុស្សសរុបចំនួន៤៨នាក់ ហើយបានធ្វើតេស្តទឹកនោម ក្នុងនោះវិជ្ជមាន ចំនួន៤៦នាក់ និង អវិជ្ជមាន ០២នាក់ ប៉ុន្តែជនសង្ស័យទាំងពីរនាក់នេះ គឺជាអ្នកជិះម៉ូតូចូលមករកទិញថ្នាំញៀន ។
សមត្ថកិច្ចនគរបាលខេត្តសៀមរាប បានឲ្យដឹងបន្ថែមថា ក្នុងប្រតិបត្តិការនេះ សមត្ថកិច្ចដកហូតបាននូវម្សៅមេតំហ្វេតាមីនសរុប ២០ កញ្ចប់ ស្មើនឹងទំងន់ ០៤ ក្រាម និងឧបករណ៍ប្រើប្រាស់មួយចំនួនទៀត ហើយបានកសាងសំណុំរឿងបញ្ជូនទៅសាលាដំបូងខេត្ត ដើម្បីចាតើការតាមនីតិវិធីនៃច្បាប់ ៕
អត្ថបទ និង រូបថត ៖ លោក ថាច់ ពិសុទ្ធ
កែសម្រួលអត្ថបទ ៖ លោក លីវ សាន្ត
