ប្រទេសចិន តាមសេចក្តីរាយការណ៍ បាននិយាយនៅថ្ងៃព្រហស្បត៍ ម្សិលមិញនេះថា រដ្ឋបាលលោក ត្រាំ ត្រូវតែលើកលែង ពន្ធគយទាំងអស់ លើការនាំចេញដែលអាមេរិកបានចងទុក ប្រសិនបើចង់បញ្ចប់ជម្លោះជំនួញដ៏វែងឆ្ងាយ ប៉ុន្តែចិនក៏បង្ហាញផងដែរថា ខ្លួនមានការបើកចំហ ចំពោះកិច្ចព្រមព្រៀងមួយផ្នែក។
រដ្ឋមន្ត្រីពាណិជ្ជកម្មចិន លោក Gao Feng បានមានប្រសាសន៍ថា “គោលដៅចុងក្រោយ សម្រាប់កិច្ចចរចាគ្នា រវាងភាគីទាំងពីរ គឺដើម្បីបញ្ចប់សង្គ្រាមជំនួញ លុបចោលពន្ធគយបន្ថែមទាំងអស់ ហើយនេះជារឿងល្អសម្រាប់ចិន ល្អសម្រាប់សហរដ្ឋអាមេរិក និងល្អសម្រាប់ពិភពលោកទាំងមូល”។
គួរបញ្ជាក់ថា គណៈប្រតិភូជំនួញសហរដ្ឋអាមេរិក នឹងប្រារព្ធធ្វើកិច្ចពិភាក្សាគ្នាថ្មី ជាមួយសមភាគីចិន នៅក្នុងទីក្រុង Santiago ប្រទេសឈីលី នាខែក្រោយ ជាទីកន្លែងដែលប្រធានាធិបតីសហរដ្ឋអាមេរិក លោក ដូណាល់ ត្រាំ និងប្រធានាធិបតីចិន លោក ស៊ី ជីនពីង គ្រោងជួបគ្នាផងដែរ៕
ប្រភព៖ដើមអំពិល
ប្រែសម្រួល៖ប៉ាង កុង
