ទូរទស្សន៍សិង្ហបុរី Channel News Asia បានផ្សព្វផ្សាយព័ត៌មានឲ្យដឹងកាលពីថ្ងៃទី១៩ ខែធ្នូ ឆ្នាំ២០១៩ថា ស្ត្រីម្នាក់បានស្លាប់ និងពលរដ្ឋរាប់ពាន់នាក់ត្រូវបាន គេជម្លៀសខ្លួនចេញទៅកាន់ទីសុវត្ថិភាព ដោយស្នាក់នៅបណ្តោះអាសន្ន នៅមណ្ឌលជម្លៀសខ្លួនបណ្តោះអាសន្ន ខណៈដែលទឹកជំនន់បានវាយប្រហារ មកលើរដ្ឋ Kelantan, Terengganu និង Pahang ។
នាយកដ្ឋានឧតុនិយមម៉ាឡេស៊ីបានចេញការព្រមានទឹកជំនន់សម្រាប់តំបន់ងាយរងគ្រោះទឹកជំនន់ផ្សេងទៀតនៅក្នុងរដ្ឋ Pahang ដោយនិយាយថាអាកាសធាតុអាក្រក់នាពេលបច្ចុប្បន្នត្រូវបានគេរំពឹងថានឹងបន្តដល់ខែមីនាឆ្នាំក្រោយ។
សូមបញ្ជាក់ថា រដ្ឋទាំងពីរដែលមានទីតាំងនៅតាមបណ្តោយឆ្នេរសមុទ្រភាគខាងកើតនៃឧបទ្វីបម៉ាឡេស៊ីបានជួបនូវភ្លៀងធ្លាក់ខ្លាំងចាប់តាំងពីការចាប់ផ្តើមរដូវវស្សានៅចុងខែតុលាជាមួយខេត្ត Kelantan ជាតំបន់រងគ្រោះខ្លាំងជាងគេរហូតមកដល់ពេលនេះ។
ប្រភព៖ ដើមអំពិល
ប្រែសម្រួលដោយ៖ ម៉ៅ បុប្ផាមករា
