ប្រធានាធិបតី សហរដ្ឋអាមេរិកលោក ដូណាល់ ត្រាំ បានឲ្យដឹងកាលពីថ្ងៃពុធថា លោកចាត់ទុកកិច្ចពិភាក្សា នុយក្លេអ៊ែរជាថ្មីម្តងទៀត ជាមួយកូរ៉េខាងជើងថា ជាល្បែងអុកដ៏ស្រស់ស្អាត នេះបើយោងតាមការចុះផ្សាយ របស់ទីភ្នាក់ងារសារព័ត៌មាន យុនហាប់។
លោក ត្រាំ បានធ្វើការកត់សម្គាល់នៅក្នុងពិធី ចុះហត្ថលេខានៅសេតវិមាន សម្រាប់កិច្ចព្រមព្រៀងពាណិជ្ជកម្មមួយដំណាក់កាលរវាងសហរដ្ឋអាមេរិកនិងចិន ដោយផ្តល់កិត្តិយសដល់ទីក្រុងប៉េកាំងសម្រាប់ “ជួយយើងជាមួយកូរ៉េខាងជើង” ។
លោកបានបញ្ជាក់ដោយ សំដៅទៅមេដឹកនាំកូរ៉េខាងជើង និងប្រធានាធិបតីចិន លោកស៊ី ជីនពីង ថា “ប្រទេសចិន កំពុងជួយយើងនូវអ្វីៗជាច្រើនដែលពួកគេអាចជួយយើង ដែលអ្នកមិនបានឃើញនៅក្នុងកិច្ចព្រមព្រៀង ប៉ុន្តែពួកគេបានជួយយ៉ាងខ្លាំងជាមួយ នឹងការគោរពចំពោះលោកគីម ជុងអ៊ុន ដែលមានការគោរពយ៉ាងជ្រាលជ្រៅ៕
ប្រភព៖ ដើមអំពិល
ដោយ ឈូក បូរ៉ា
