ផ្ទះប្រជាពលរដ្ឋមួយកន្លែង ត្រូវអគ្គិភ័យ ឆេះខ្ទេចគ្មានសល់ ដោយសារឆ្លងចរន្តអគ្គិសនីពីឧបករណ៍សាកទូរសព្ទ។ ហេតុការណ៍នេះកើតឡើង នៅរសៀលថ្ងៃទី១២ ខែកុម្ភៈ ឆ្នាំ២០២០ នៅចំណុចភូមិស្នាសង្គ្រាម ឃុំបល្ល័ង្គ ស្រុកប្រាសាទបាគង ខេត្តសៀមរាប។
តាមការឲ្យដឹងពី លោកឧត្តមសេនីយ៍ត្រី ភឹង សម្បត្តិ ស្នងការរង នៃស្នងការដ្ឋាននគរបាលខេត្តសៀមរាប ករណីអគ្គិភ័យនេះ បណ្ដាលមកពីទូរស័ព្ទកំពុងសាកថ្ម ជាមួយនឹងអាគុយផ្ទាំងសូឡា បណ្តាឲ្យឆ្លងចរន្ត ខណៈម្ចាស់ផ្ទះទៅមើលសត្វគោនៅឆ្ងាយពីផ្ទះ ។
ករណីអគ្គីភ័យនេះ បណ្ដាលឲ្យ ផ្ទះឈើប្រក់ស្បូវ ជញ្ជាំងស្លឹកដូងឆេះអស់ទាំងស្រុង ឆេះសម្ភារៈសំខាន់ៗរួមមាន ម៉ូតូម៉ាកសង់កូរ៉េ ១ គ្រឿង ស្រូវ ២២ការ៉ុង ម៉ាស៊ីនដេរខោអាវ ១ គ្រឿង ទូរទស្សន៍ ១ គ្រឿង ក្រវិលមាស ៧ ហ៊ុន ប្រាក់រៀលមួយចំនួន រួមនិងសម្ភារៈមួយចំនួនទៀត។
ព័ត៌មានជាតិ ថ្មីៗ
អត្ថបទ និង រូបភាព៖ ថាច់ ពិសុទ្ធ
កែសម្រួល៖ សេង ផល្លី
