បើតាម លោកវរះសេនីឯក អន់ ស្រស់ អធិការស្រុកស្រីស្នំ បានឲ្យដឹងថា នៅវេលាម៉ោង១០ និង៣០នាទីថ្ងៃទី២៦ ខែកុម្ភៈ ឆ្នាំ២០២០នេះ នៅចំណុចភូមិរំដេង ឃុំត្រាំសសរ ស្រុកស្រីស្នំ ខេត្តសៀមរាប មានករណីអគ្គិភ័យមួយបានកើតឡើង ដោយបានឆេះផ្ទះមួុយខ្នង ដែលសាងសង់អំពីថ្មក្រោមឈើលើប្រកក្បឿងដែលជារបស់ ឈ្មោះ អឿ ឡោះ ភេទប្រុសអាយុ ៤៦ឆ្នាំរស់នៅភូមិឃុំកើតហេតុខាងលើ មុខរបរកសិករ ។
លោកវរះសេនីឯក បន្តថា ក្នុងករណីនេះបានបណ្ដាលឲ្យខូចខាត់នូវទ្រព្យសម្បត្តិស្ទើតែទាំងស្រុង រួមមាន
ផ្ទះមួយខ្នងទំហំ ៧ x៩ម៉ែត្រ ,ប្រាក់បាតចំនួន ២៥មឺុនបាត ព្រមទាំងមាស់មាសចំនួន០៥តំឡឹង ,គោយន្តកន្ត្រៃចំនួន ០១គ្រឿង ,ស្រូវចំនួន២០ការ៉ុង និងសម្ភារ:ប្រើប្រាស់មួយចំនួនធំ ។
លោកបន្ថែមថា មូលហេតុដែលបង្កឲ្យមានករណីអគ្គិភ័យនេះ បណ្តាលមកពីម្ចាស់ផ្ទះដែលជាប្រពន្ធបានដុតធុកសែនទុកចោលលើផ្ទះដោយមិនមានការប្រុងប្រយ័ត្ន ប៉ុន្តែនៅក្នុងករណីនេះពុំមានមនុស្សណាម្នាក់រងរបួសឡើយ ៕
អត្ថបទ និង រូបភាព៖ គឿនវេត
កែសម្រួល៖អ៊ុន ណារាជ្យ
