អ៉ីតាលីទើបតែបានប្រកាសថា មនុស្សស្លាប់ដោយសារតែ COVID-19 នៅរយៈពេលពេញមួយថ្ងៃអាទិត្យម្សិលមិញនេះ មានចំនួន ៦៥១នាក់បន្ថែមទៀត ដែលប្រការបាននាំឲ្យចំនួនមនុស្សស្លាប់សរុប នៅក្នុងប្រទេសអឺរ៉ុបមួយនេះ កើនឡើងដល់ ៥,៤៧៦នាក់។ នេះបើតាមការចេញផ្សាយដោយ CNA នាព្រឹកថ្ងៃចន្ទ ទី២៣ ខែមីនា ឆ្នាំ២០២០។
ក្រៅពីការកើនឡើងនៃចំនួនមនុស្សស្លាប់ ករណីឆ្លងសរុបនៃ COVID-19 ក៏បានកើនឡើងដល់ ៥៩,១៣៨នាក់នៅទូទាំងប្រទេសផងដែរ។ ជុំវិញតួលេខថ្មីនេះ មន្ត្រីជាន់ខ្ពស់រដ្ឋាភិបាលអ៉ីតាលីលោក អ៊ែនជែឡូ បូររែលលី (Angelo Borrelli) បានប្រាប់អ្នករាយការណ៍ព័ត៌មាននានា នៅទីក្រុងរ៉ូមថា «តួលេខដែលត្រូវបានប្រកាសនៅថ្ងៃនេះ គឺទាបជាងថ្ងៃម្សិលមិញ។
សម្រាប់ទីក្រុង មីឡេន (Milan) នៃតំបន់ឡុំបាឌី (Lombardy) គឺបានរ៉ាប់រងករណីឆ្លងថ្មីៗរហូតដល់ ៣០.៤% នៃករណីឆ្លងទាំងអស់ សម្រាប់ថ្ងៃអាទិត្យម្សិលមិញនេះ ខណៈតំបន់ Lombardy ទាំងមូលដែលមានប្រជាជន ១០លាននាក់រស់នៅ រ៉ាប់រងករណីស្លាប់ដោយសារ COVID-19 រហូតដល់ទៅ ៥៥.៥% នៅអ៉ីតាលី។
គួរបញ្ជាក់ថា អ៉ីតាលីបានបំបែកកំណត់ត្រាថ្មីមួយកាលពីថ្ងៃអាទិត្យម្សិលមិញនេះ ដោយបានប្រកាសពីចំនួនអ្នកស្លាប់ដោយសារ COVID-19 រហូតដល់ជិត ៨០០នាក់ក្នុងមួយថ្ងៃ។
