កិច្ចប្រជុំគណៈកម្មាធិការសម្របសម្រួលពង្រឹងនិងពង្រីកកិច្ចសហប្រតិបត្តិការ អន្តរជាតិ បានធ្វើឡើងនៅព្រឹកថ្ងៃទី០៧ ខែមេសា ឆ្នាំ២០២០ ក្រោមអធិបតីភាព ឯកឧត្ដម ខៀវ កាញារីទ្ធ រដ្ឋមន្ត្រីក្រសួងព័ត៌មាន ។
តាមការបញ្ជាក់របស់ ឯកឧត្តម មាស សុភ័ណ្ឌ អនុរដ្ឋលេខាធិការ និងជាអ្នកនាំពាក្យ ក្រសួងព័ត៌មាន បានបញ្ជាក់ថា កិច្ចប្រជុំនាឱកាសនេះ គឺដើម្បីធ្វើការប្រកាស សមាសភាព របស់ គណៈកម្មាធិការសម្របសម្រួល ពង្រឹង និងពង្រីក កិច្ចសហប្រតិបត្តិការអន្តរជាតិ នៃ ក្រសួង ព័ត៌មាន ដែលមាន ឯកឧត្តម សុខ ប្រសិទ្ធិ រដ្ឋលេខាធិការ ក្រសួង ព័ត៌មាន ជាប្រធាន គណៈកម្មការនេះ ។ ដូច្នេះកិច្ចប្រជុំ ក៏បានធ្វើការពិនិត្យលើកិច្ចការអន្តរជាតិ មួយចំនួន ដែល ក្រសួង ព័ត៌មាន បានធ្វើក្នុងពេលកន្លងមក ទាក់ទងទៅនឹងកិច្ចសហប្រតិបត្តិការទ្វេភាគី និង ពហុភាគី ទាំងនៅក្នុងតំបន់ ក៏ដូចជានៅក្នុងពិភពលោក ព្រមជាមួយនឹងការពិនិត្យ បញ្ហា ប្រឈមមួយចំនួន នៃកិច្ចសហការទំនាក់ទំនងអន្តរជាតិ នាពេលកន្លងមកនេះ។
ទន្ទឹមជាមួយ គ្នានេះដែរ ក៏បានពិនិត្យពិភាក្សា របៀបរបបនៃការបំពេញការងារ របស់ គណៈកម្មាធិការ សម្របសម្រួល ពង្រឹង និងពង្រីក កិច្ចសហប្រតិបត្តិការអន្តរជាតិនៃ ក្រសួងព័ត៌មាន ដោយ ក្នុងនោះ ឯកឧត្តម រដ្ឋមន្រ្តី ខៀវ កាញារីទ្ធ បានផ្តល់នូវមតិយោបល់ណែនាំមួយចំនួន ក្នុងការធ្វើ យ៉ាងណាយកចិត្តទុកដាក់ នៅក្នុការកំណត់តូនាទីភារកិច្ច សម្រាប់សមាជិកក្នុងគណៈកម្មធិការនីមួយៗ អោយទទួលការងារច្បាស់លាស់តាមផែនរបស់ខ្លួន ។ ជាមួយគ្នានេះក៏ត្រូវធ្វើ ទំនាក់ទំនងអោយបានល្អ ជាមួយដៃគួរអភិវឌ្ឃន៏ បណ្តាប្រទេសនានាក្នុងតំបន់ និងពិភពលោកទាំងទ្វេភាគី និងពហុភាគី តាមរយៈការធ្វើកិច្ចសហការល្អ គឺអាចជួយអោយដំណើរការនៃ អនុវត្តន៏តូនាទី និងភារកិច្ច ក៏ដូចជាផែនការសម្មភាព ជាពិសេសការកសាងធនធានមនុស្ស នៃវិស័យ ព័ត៌មាន ក៏អាចជួយ ដល់ការពង្រឹងទំនាក់ទំនងល្អ រវាងប្រទេស និងប្រទេសក្នុងតំបន់ និងសកលលោកផងដែរ។
គណៈកម្មាធិការសម្របសម្រួល ពង្រឹង និងពង្រីក កិច្ចសហប្រតិបត្តិការអន្តរជាតិ នៃ ក្រសួង ព័ត៌មាន ដែលមានយន្តការធ្វើកិច្ចការងារ ដោយនាយកដ្ឋាន ទំនាក់ទនងអន្តរជាតិ ជាសេនាធិការផ្ទាល់ ក្នុងការប្រមូលចងក្រង គ្រប់ព័ត៌មានទាំងអស់ ដែលមានការទាក់ទងទៅ ផ្នែកអន្តរជាតិ ទាំងទ្វេភាគី និង ពហុភាគី ជាមួយបណ្តាប្រទេស នានាក្នុងពិភពលោក។
នៅព្រឹកថ្ងៃដ៏ដែលនេះដែរ ឯកឧត្តម ខៀវ កាញារីទ្ធ រដ្ឋមន្ត្រី ក្រសួងព័ត៌មាន បានប្រជុំស្ដីពីការផ្សព្វផ្សាយ សម្រាប់ថ្ងៃបុណ្យចូលឆ្នាំខ្មែរ ជូនដល់ សមាគមន៍ទូរទស្សន៍កម្ពុជា ដើម្បីត្រៀមអបអរសាទរពិធីចូលឆ្នាំថ្មី ប្រពៃណីជាតិខ្មែរ ។ ឯក ឧត្តម ខៀវ កាញារីទ្ធ បានលើកឡើងថា ក្នុងរយះពេលកន្លងមកនេះ តាមបណ្តាស្ថានីយ៏ ទូរទស្សន៏នានា ក្នុងស្រុក បានរៀបចំកម្មវិធី សប្បាយសម្រាប់ពិធីបុណ្យចូលឆ្នាំខ្មែរ ប៉ុន្តែ ដោយសារមានបញ្ហា នៃជំងឺ កូវីត ១៩ បានធ្វើអោយមានការខកខាន សម្រាប់រៀបចំកម្មវិធី មួយចំនួន តែទោះជាយ៉ាងនេះក្តី គឺមិនត្រូវកែប្រែ ទស្សនីយ៏ភាពពិធីបុណ្យចូលឆ្នាំ ទៅជាពិធី ស្ងាត់ឈឹងទៅវិញនោះទេ។ ដូច្នេះត្រូវធ្វើយ៉ាងណា កុំភ្លេចស្មារតី នៃពិធីបុណ្យចូលឆ្នាំ ប្រពៃណីជាតិខ្មែរ តែកុំធ្វើយ៉ាងណាខុសពីបទបញ្ជារបស់ប្រមុខរាជរដ្ឋាភិបាល និងការណែនាំ របស់ ក្រសួងសុខាភិបាល ក្នុងការការរួមគ្នាប្រយុទ្ធ ប្រឆាំងជំងឺកូវីត ១៩ ដោយសម្តេចតេជោ នាយករដ្ឋមន្រ្តី ហ៊ុន សែន បានសម្រេចផ្អាកពិធិបុណ្យចូលឆ្នាំ ខ្មែរ ប៉ុន្តែក្រសួង ស្ថាប័ន ក្រុមហ៊ុន រោងចក្រ ទាំងអស់ធ្វើការធម្មតា ហើយរដ្ឋនឹងសងថ្ងៃឈប់សម្រាកជំនួសវិញ នៅថ្ងៃ ណាមួយសមស្រប ចំនួន ៥ ថ្ងៃ នៅពេល ជំងឺកូវីត ១៩ បានថមថយទៅវិញ។
ឯក ឧត្តម ម៉ៅ អាយុទ្ធ រដ្ឋលេខាធិការ ក្រសួងព័ត៌មាន និងជាប្រធានសមាគមទូរទស្សន៏ កម្ពុជា បានជម្រាបជូនថា កាលពីជាង ១ ខែមកនេះ គ្រប់បណ្តាស្ថានីយ៏ទូរទស្សន៏ បានរួមគ្នាថតជាកម្មវិធី រាំ ច្រៀង សប្បាយទុកសម្រាប់ចាក់ផ្សាយក្នុងពិធីបុណ្យចូលឆ្នាំថ្មី ប្រពៃណីជាតិ ខ្មែរ នាពេលខាងមុខនេះ ប៉ុន្តែដោយសារបញ្ហាជំងឺ កូវីត ១៩ កើតមានឡើង ហើយមានការ ណែនាំកុំអោមានការជួបជុំ រាំ លេងកំសាន្តសប្បាយ ដែលអាចមានការឆ្លងនូវជំងឺនេះ ។ ដូច្នេះ ការប្រជុំនាឱកាសនេះ ថាតើត្រូវសម្រេច លុបចោលកម្មវិធី មិនចាក់ផ្សាយ នៅគ្រប់ស្ថានីយ៏ ទូរទស្សន៏ ឬក៏ចាក់ផ្សាយក្នុងកំរិតណាមួយ?
ទាក់ទងទៅបញ្ហានេះ ឯក ឧត្តម រដ្ឋមន្រ្តី ខៀវ កាញារីទ្ធ បានបញ្ចាក់ថា នឹងយកបញ្ហានេះ ទៅឆ្លងប្រមុខថ្នាក់ដឹកនាំ សម្តេចតេជោ ហ៊ុន សែន ដើម្បីធ្វើការសម្រេច ចំពោះការចាក់ផ្សាយ កម្មវិធី កំសាន្តសប្បាយ របស់សមាគមទូរទស្សន៏កម្ពុជា ដែលបានថតរួចមកហើយនេះ ៕
អត្ថបទ និង រូបភាព ក្រសួង ព័ត៌មាន