នៅព្រឹកថ្ងៃទី១០ ខែ មេសា ឆ្នាំ២០២០នេះ លោក ព្រំ សម្បត្តិ ប្រធានក្រុមហ៊ុនអលជេនើរេសិន នាំយកអង្ករសុខភាពចំនួន ១ពាន់គីឡូក្រាម ប្រគល់ជូនរដ្ឋបាលខេត្តសៀមរាប ដើម្បីចូលរួមជាមួយរាជរដ្ឋាភិបាល ក្នុងការប្រយុទ្ធប្រឆាំងនឹងការរីករាលនៃជំងឺកូវីដ១៩ នៅកម្ពុជា។
លោកប្រធានក្រុមហ៊ុន លើកឡើងថា ដើម្បីចូលរួមបង្ការ ទប់ស្កាត់ នៃការឆ្លងរីករាលដាលជំងឺកូវិដ១៩ ជាមួយរាជរដ្ឋាភិបាល ការឧបត្ថម្ភជាថវិកា ឬសម្ភារៈ ឬ ស្បៀងចំណីអាហារ គឺជាសកម្មភាពដែលវិស័យឯកជន គួរជួយទៅតាមលទ្ធភាព។ ក្នុងនោះ អង្ករសុខភាព ចំនួន ១ពាន់គីឡូក្រាម ដែលជាផលិតផលរបស់ក្រុមហ៊ុន គឺមានអត្ថប្រយោជន៍ដល់សុខភាព ជួយកាត់បន្ថយជាតិស្ករ ចំពោះប្រជាពលរដ្ឋកើតជំងឺទឹកនោមផ្អែម។
ក្នុងនាមឯកឧត្តម ទៀ សីហា អភិបាលខេត្តសៀមរាប លោក ពិន ប្រាកដ អភិបាលរងខេត្ត បានថ្លែងអំណរគុណ ចំពោះសកម្មភាពមនុស្សធម៌របស់ ក្រុមហ៊ុន អលជេនើរេសិន ក្នុងស្មារតីចូលរួមជាមួយរាជរដ្ឋាភិបាល ក៏ដូចរដ្ឋបាលខេត្តសៀមរាប ដែលស្ថិតក្នុងគ្រាដ៏លំបាកនៃវិបត្តិជំងឺកូវីដ-១៩នេះ។
ព័ត៌មានជាតិ ថ្មីៗ
លោកអភិបាលរងខេត្ត បញ្ជាក់ថា អំណោយទាំងនេះ គណៈកម្មការប្រយុទ្ធប្រឆាំងជំងឺកូវីដ១៩ របស់រដ្ឋបាលខេត្ត នឹងនាំយកទៅប្រើប្រាស់ ក្នុងយុទ្ធនាការប្រយុទ្ធប្រឆាំងនឹងជំងឺកូវីដ១៩ នៅតាមសហគមន៍ក្នុងខេត្តសៀមរាប។
អត្ថបទ និង រូបថត ៖ លោក ម៉ី សុខារិទ្ធ
កែសម្រួលអត្ថបទ ៖ លោក សេង ផល្លី
