តំបន់ទេសចរណ៍ធម្មជាតិបឹងពារាំង ជាកន្លែងអភិរក្សមេពូជត្រី និងសត្វស្លាបជាច្រើនប្រភេទ កំពុងទាក់ទាញអ្នកទេសចរណ៏មកកំសាន្ត ជារៀងរាល់ថ្ងៃ ឲជាពិសេសនៅថ្ងៃចុងសប្ដាហ៍ ព្រមទំាងថ្ងៃបុណ្យទាន ដែលមានទីតាំងស្ថិតនៅក្នុងសង្កាត់ជ្រាវ ក្រុង/ខេត្ដសៀមរាប។ តំបន់បឹងពារាំង គឺជាតំបន់ទេសចរណ៍បែបធម្មជាតិ ដែលអ្នកទេសចរណ៍អាចធ្វើដំណើរដោយជិះឡាន ឬជិះម៉ូតូប្រើពេលតែ ៣០នាទីប៉ុណ្ណោះ។
បើតាមលោក គង់ មង្គល ប្រធានសហគមន៍ទេចចរណ៍ធម្មជាតិបឹងពារាំង បានឲ្យដឹងកាលពីពេលថ្មីៗនេះថា តំបន់បឹងពារាំង គឺជាកន្លែងរមណីយដ្ឋានបែបធម្មជាតិមួយ ដែរជាតំបនអភិរក្សមេពូជត្រី នឹងសម្បូរទៅដោយសត្វស្លាបគ្រប់្រភេទ មានម្លប់ដើមរាំងត្រឈឹងត្រឆី យើងអាចបោះតង់សម្រាកលក្ខណ:ជាក្រុមៗ ឬគ្រួសារ និងអាចជិះទូកលំហែកាយ ទស្សនាសត្វស្លាបជាច្រើន។ ជារៀងរាល់ថ្ងៃមានភ្ញៀវទេសចរណ៍ បានមកទស្សនានៅតំបន់នេះជាបន្ដបន្ទាប់ ខណៈដែលមានព្រៃដើមរាំង នឹងជាតំបន់អភិរក្សជីវ:ចម្រុះគ្រប់ប្រភេទ គួរអោយទាក់ទាញ។
លោក គង់ មង្គល បានឲ្យដឹងទៀតថា ក្នុងតំបន់បឹងពារាំងមានទូកដែលរៀបចំដោយសហគមន៏សម្រាប់ទស្សនាឲ្យមានភាពងាយស្រួល ជិះទូកយើងប្រើរយៈពេលជាង១ម៉ោង ឬយូរជាងនេះសម្រាប់ទស្សនាសត្វស្លាប់គ្រប់ប្រភេទ និងផ្តិតយករូបភាពដ៏ស្រស់ស្អាត ពីសម្រស់បឹងពារាំងពេលថ្ងៃរៀបលិច នឹងមើលសត្វជាច្រើនហ្វូងកំពុងរកចំណី តំលៃទូក១ គឺ១០ដុល្លាអាចជិះបានពី៤-៥នាក់ បើភ្ញៀវគាត់ចង់បោះតង់ ខាងសហគមន៏រៀបចំឲ្យ គឺតម្លៃ១០ដុល្លា ហើយបើពួកគាត់មានតង់ស្រាប់គឺត្រឹមតែ ៣ដុល្លាប៉ុណ្ណោះ។ លោកថា ទៅថ្ងៃអនាគតខាងសហគមន៍បឹងពារាំក៏មានគម្រោងរៀបចំកែច្នៃបន្ថែមទៀត ដូចជាការធ្វើប៉មជាច្រើនកន្លែងសម្រាប់មើលសត្វ ធ្វើផ្លូវកង នឹងផ្លូវចូលមកឲ្យបានស្អាតល្អ ចំពោះសហគមន៍បឹងពារាំង គឺជាតំបន់អេកូទេសចរណ៍ដ៏ល្អស្អាតបំផុតដែលលោកអ្នកគួរតែមកទស្សនា ដើម្បីបំបាត់នូវការនឿយហត់ បំបាត់នូវទុកកង្វល់ មានអារម្មណ៍ស្រស់ថ្លា។
បើតាមភ្ញៀវទេសចរណ៍ដែលកំសាន្តក្នុងតំបន់នេះ ពួកគាត់បានបង្ហាញ់ចំណាប់អារម្មណ៏ថា តំបន់បឹងពារាំងដែលជាតំបន់អភិរក្សបានល្អកន្លងមក ពោពេញទៅធន់ធានធម្មជាតិទីនេះ មានត្រីមេពូជ សត្វស្លាបគ្រប់្រភេទ និងមានម្លប់ដើមរាំងត្រឈឹងត្រឆី គួរជាទីគាប់ចិត្តរបស់អ្នកផងទាំងឡាយ ដែលបានមកដល់ហើយទស្សនាកំសាន្ត ដើម្បីបន្ធូអារម្មណ៏តានតឹង បំបាត់នូវការនឿយហត់ បំបាត់នូវទុកកង្វល់ និងភាពស្មុគ្រស្មាញ បន្ទាប់ពីបានឃើញសត្វបក្សាបក្សីហោះហើរព្រូងព្រាតនៅក្នុងបឹងគួរឲ្យចាប់អារម្មណ៏។ ម្យ៉ាងវិញទៀតខាងសហគមន៏បឹងពារាំង ពួកគាត់បានខិតខំប្រឹងប្រែងរៀបចំ នឹងថែរក្សាធន់ធានធម្មជាតិបានល្អប្រសើរសម្រាប់ឲ្យភ្ញៀវជាតិនិងអន្តរជាតិមកទស្សនាឲ្យច្រើនៗ ក៏ដូចក្មេងៗជំនាន់ក្រោយបានដឹងបានស្វែងយល់ពីតំបន់ទេសចរណ៏បែបធម្មជាតិមួយនេះ៕
អត្ថបទ និងរូបភាព៖ ស៊ាន សុផាត
កែសម្រួល៖ អ៊ុន ណារាជ្យ
