នៅថ្ងៃទី១៧ ខែកុម្ភៈ ឆ្នាំ២០២១ លោក ឃឹម ហ្វីណង់ អភិបាលស្រុកបន្ទាយស្រី ខេត្តសៀមរាប បង្ហាញថា ការចាប់ផ្ដើមបំពាក់កាមេរ៉ាសុវត្ថិភាព នៅតាមគោលដៅសំខាន់ៗ ក្នុងមូលដ្ឋានស្រុកបន្ទាយស្រីនេះ គឺដើម្បី ទប់ស្កាត់ករណីលួច ឆក់ ប្លន់ បទល្មើសចរាចរណ៍ និងសណ្តាប់ធ្នាប់ទូទៅ។ល។
លោកអភិបាលស្រុក បញ្ជាក់ថា កាមេរ៉ាសុវត្ថិភាពទាំងនេះ ដើរដោយថាមពលពន្លឺព្រះអាទិត្យ និងអាចថតរូបភាពវីដេអូបាន២៤ម៉ោង លើ២៤ម៉ោង។ កាមេរ៉ានេះដែរ បានភ្ជាប់ប្រព័ន្ធអ៊ិនធើណិត ដែលអាចបញ្ជូនរូបភាព ទៅកាន់គណៈបញ្ជាការឯកភាពស្រុក ព្រមទាំងរក្សាទុកទិន្នន័យបានពេញមួយខែ ដោយមិនចាំបាច់លុបចេញ។ ប៉ុន្តែលោកអភិបាលស្រុក ពុំបានបញ្ជាក់ទីតាំងលម្អិត ដែលបានបំពាក់កាមេរ៉ាសុវត្ថិភាពនេះឡើយ។
ជាមួយនោះ លោកអភិបាលស្រុក ក៏បាន ថ្លែងអំណរគុណ ចំពោះសប្បុរសជនទាំងអស់ ដែលបានចូលរួមជួយគាំទ្រក្នុងគម្រោងបង្កើនសុវត្ថិភាពនៅក្នុងមូលដ្ឋាន ស្របតាមគោលនយោបាភូមិ-ឃុំមានសុត្ថិភាពរបស់រាជរដ្ឋាភិបាល ព្រមទាំងបានបង្កើនទំនុកចិត្ត ដល់អ្នកទេសចរ អញ្ជើញមកទស្សនានៅក្នុងស្រុកទេសចរណ៍មួយនេះ កាន់តែច្រើនបន្ថែមទៀត។
ព័ត៌មានជាតិ ថ្មីៗ
អត្ថបទ៖ លោក ឈិត សាវី
រូបភាព៖ លោក ងិន គឹមឡេង
កែសម្រួលអត្ថបទ៖ លោក សេង ផល្លី
