បើតាមសេចក្ដីប្រកាសព័ត៌មានរបស់ក្រសួងសុខាភិបាល កាលពីព្រឹកថ្ងៃទី១១ ខែមីនា ឆ្នាំ២០២១នេះថា មានបុរសជនជាតិខ្មែរម្នាក់អាយុ៥០ឆ្នាំ បានស្លាប់ដោយសារជំងឺកូវីដ-១៩ នៅមន្ទីរពេទ្យខ្មែរ-សូវៀត ដែរជាករណីស្លាប់លើកទី១ នៅក្នុងប្រទសកម្ពុជា។
នៅក្នុងសេចក្ដីប្រកាសព័ត៌មានខាងលើបានឲ្យដឹងទៀតថា បុរសដែលបានស្លាប់មានទីលំនៅក្នុងសង្កាត់ចាក់អង្រែ ខណ្ឌមានជ័យ រាជធានីភ្នំពេញ។ បុរសរូបនេះជាអ្នកបើកបរឱ្យថៅកែជាជនជាតិចិននៅក្នុងខេត្តព្រះសីហនុដែលមានផ្ទុកកូវីដ-១៩ នៅក្នុងព្រឹត្តិការណ៍សហគមន៍ ២០ កុម្ភ: ហើយការពិនិត្យឃើញមានផ្ទុកជំងឺកូវីដ-១៩ ដែរចេញដោយមន្ទីរពិសោធន៍ នៃវិទ្យាស្ថានប៉ាស្ទ័រកម្ពុជា កាលពីថ្ងៃទី២៧ ខែកុម្ភៈ ឆ្នាំ២០២១។
សូមជម្រាបជូនថា នេះជាការស្លាប់លើកដំបូងហើយ ទៅលើបុរសជនជាតិខ្មែរ ប៉ុន្តែអ្នកដែលស្លាប់នោះ ក្រសួងសុខាភិបាលមិនបានបង្ហាញថាមានឈ្មោះអ្វីឡើយ។
ព័ត៌មានជាតិ ថ្មីៗ
គួររំលឹកថា មកដល់ថ្ងៃទី១១ ខែមីនា ឆ្នាំ២០២១នេះ ប្រទេសកម្ពុជាមានករណីឆ្លងមេរោគកូវីដ-១៩នេះឡើង ដល់ចំនួន ១,១៦៣នាក់ហើយ ដោយក្នុងនោះអ្នកជាសះស្បើយចំនួន៥៩៧នាក់ និងអ្នកបន្តសម្រាកព្យាបាលចំនួន៥៦៤នាក់ ដែលក្នុងនោះអ្នកដែលឆ្លងនៅក្នុងសហគមន៍ ២០កុម្ភ:មានចំនួន ៦៥២នាក់ ៕
អត្ថបទ៖អ៊ុន ណារាជ្យ
កែសម្រួល៖លីវ សុខុន
