បច្ចុប្បន្នដោយមើលឃើញពីការរីកចំរើនលើគ្រប់វិស័យ ជាមួយនោះការវិនិយោគលើវិស័យអប់រំចំណេះដឹងទូទៅ នៅក្នុងប្រទេសកម្ពុជា ក៏ដូចជាខេត្តសៀមរាប ដែលជាខេត្តមួយពោរពេញទៅដោយសក្តានុពលអរិយធម៌ វប្បធម៌ បេតិកភណ្ឌប្រវត្តិសាស្ត្រពិភពលោកផងនោះ ការវិនិយោគទៅលើចំណេះដឹងសម្រាប់អនាគតរបស់មនុស្ស សហគមន៍ និងប្រទេសជាតិទាំងមូល។ ប្រទេសដែលយកចិត្តទុកដាក់ទៅលើវិស័យអប់រំចំណេះដឹង គឺជាប្រទេសដែលរីកចម្រើនផ្នែកបច្ចេកវិទ្យា និងភាពសម្បូរបែបផ្នែកការអភិវឌ្ឍ។ លោក ថាប់ សេង ហុក នាយកសាលាភាសាចិន ជីង ហ៊ួរ បានលើកឡើងបែបនេះ ក្នុងកិច្ចសម្ភាសន៍មួយកាលពីល្ងាចថ្ងៃទី១៤ ខែកុម្ភ: ឆ្នាំ២០២២នេះ ស្ដីពីការសិក្សារៀនសូត្រភាសាចិន ភាសាអង់គ្លេស និងវគ្គកុំព្យុទ័រ គឺជាការសិក្សាសម្រាប់មនុស្សពេញវ័យ និងមិនទាន់ពេញវ័យ។
លោក នាយកសាលាភាសាចិន ជីង ហ៊ួរ មានប្រសាសន៍បន្តថា សាលារបស់យើងត្រូវបានបង្ហាត់បង្រៀនដោយផ្ទាល់ជាមួយលោកគ្រូ អ្នកគ្រូ ដែលមានបទពិសោធន៍ជាច្រើនឆ្នាំកន្លងមក សាលា ជីង ហ៊ួរ យើងផ្ដោតសំខាន់លើភាសាចិន “ការសិក្សាសម្រាប់មនុស្សពេញវ័យ និងកុមារា មិនទាន់ពេញវ័យ” គឺជាវគ្គសិក្សាដំបូងក្នុងចំណោមវគ្គសិក្សាផ្សេងៗ ទៀតនៃកម្មវិធីអភិវឌ្ឍសមត្ថភាពរបស់សិស្សនោះ។ លោក បង្ហាញថា សាលាចិន ជីង ហ៊ួរ ជាសាលារៀនមួយ ដែលសិត្ថនៅក្នុងភូមិត្រពាំងសេះ ខាងក្រោយផ្សារសម្តេចតេជោ ហ៊ុន សែន ដើមក្រឡាញ់ ជាប់ផ្លូវ ៣០ម៉ែត្រ សង្កាត់គោកចក ក្នុងក្រុងសៀមរាប ខេត្តសៀមរាប ជាសាលាមានការផ្តល់សេវាកម្មអប់រំផ្នែកភាសាចិនគ្រប់កំរិតសិក្សា និងមានថ្នាក់ computer គ្រប់វគ្គសិក្សាផងដែរ។ ហើយក៏បានផ្តល់អាហារូបករណ៍ដល់សិស្សនិស្សិតក្រីក្រជាច្រើននាក់ដែរកន្លងមក និងផ្ដល់ឱកាសការងារដល់សិស្សានុសិស្ស ដែលបានបញ្ចប់ការសិក្សានៅទីនោះផងដែរ។ សាលាបានបើកឲ្យដំណើរការ អស់រយ:ពេលជាង ៣ឆ្នាំមកហើយ សព្វថ្ងៃមានសិស្សកំពុងសិក្សាជាង ២០០នាក់។ សាលាបានអនុវត្តតាមការណែនាំរបស់ក្រសួងសុខាភិបាលយ៉ាងខ្ជាប់ខ្ជួន និងវិធានការរបស់រាជរដ្ឋាភិបាលកម្ពុជា គឺ៣.កុំ ៣.ការពារ កាលពីមុនមិនទាន់មានកូវិដ-១៩ សាលាយើងមានសិស្សរហូតដល់ទៅ ៤០០នាក់ជាងឯណោះ ចំពោះតម្លៃសិក្សាសមរម្យ នឹងមានការប្រមូដសិនតាមកម្មវិធីសិក្សាផ្សេងៗទៀតផង។
ជាមួយគ្នានោះ ប្អូនស្រី ហន់ ស្រីណយ ជាសិស្សរៀនភាសាចិន បានឲ្យដឹងស្រដៀងៗគ្នា នឹងសិស្សដទៃថា ចំពោះការសិក្សាភាសាចិន និងចំណេះដឹងទូទៅនៅក្នុងសាលានេះ គឺមានច្បាប់ទំលាប់បទបញ្ជាផ្ទៃក្នុងសាលាល្អ មានវិន័យល្អ លោកគ្រូ អ្នកគ្រូ បានបង្ហាត់បង្រៀនដោយយកចិត្តទុកដាក់ក្នុងកិច្ចការពន្យល់ឲ្យសិស្សានុសិស្សងាយចាំ ងាយយល់។ សិស្សខ្លះពួកគាត់រៀនបានជិត ៣ឆ្នាំហើយ ខ្លះទៀតរៀនបាន ១ឆ្នាំទៅ ២ឆ្នាំ ពួកគាត់អាចនិយាយភាសាចិនបានល្អគួរសម ដែលអាចទទួលយកបានសម្រាប់ការអភិវឌ្ឍន៍ខ្លួនទៅថ្ងៃអនាគតរបស់ពួកគាត់ក្នុងកិច្ចការងារសង្គម ដើម្បីបម្រើប្រទេសជាតិតាមសុឆន្ទ:រៀងៗខ្លួន៕
ព័ត៌មានជាតិ ថ្មីៗ
អត្ថបទ និងរូបភាព: លោកស៊ាន សុផាត កែសម្រួលដោយ លីវ សុខុន!!!
